आली माझ्या घरी ही दिवाळी...

ऋतू हिरवा, घनश्याम सुंदरा... या आणि अशा लोकप्रिय गाण्यांचे सादरीकरण युनिक ग्रुपच्या वतीने आयोजित पाडवा पहाट कार्यक्र मात करण्यात आले. खंडोबा रायाच्या, हरे कृष्णा हरे कृष्णा, आली माझ्या घरी ही दिवाळी, शोधू मी, वारा गाई गाणी.. या गीताला श्रोत्यांकडून वन्समोअर मिळाले.

इंदिरानगर : ऋतू हिरवा, घनश्याम सुंदरा... या आणि अशा लोकप्रिय गाण्यांचे सादरीकरण युनिक ग्रुपच्या वतीने आयोजित पाडवा पहाट कार्यक्र मात करण्यात आले. खंडोबा रायाच्या, हरे कृष्णा हरे कृष्णा, आली माझ्या घरी ही दिवाळी, शोधू मी, वारा गाई गाणी.. या गीताला श्रोत्यांकडून वन्समोअर मिळाले.राणेनगर येथील युनिक मैदानावर आयोजित या कार्यक्र मात राजे संभाजी महाराज मालिकेतील ‘राणू अक्का’ची भूमिका करणारी अभिनेत्री अश्विनी महांगडे यांनी श्रोत्यांशी संवाद साधला.यावेळी सूर निरागस हो, उठी श्रीरामा, आजी सोनियाचा दिनु, तुझ्या कांतिसम, अबिर गुलाल.., बोलावा विठ्ठल, पराधीन आहे, कौसल्येचा राम बाई, राम जन्मला, फुलले रे क्षण माझे, धुंदी कळ्यांना, यांसह अनेक गीतांचे सादरीकरण करण्यात आले. गौरव महाराष्ट्राचा विजेती धनश्री देशपांडे, अश्विनी सरदेशमुख, नरेंद्र टोंगळे, संतोष जोंधळे यांनी सादर केलेल्या गीतांना श्रोत्यांनी दाद दिली. प्रास्ताविक आयोजन युनिक ग्रुपचे संस्थापक अध्यक्ष सतीश सोनवणे यांनी केले. यावेळी अनिकेत सोनवणे, अनिल जाचक, किशोर शिरसाठ, कैलास देवांग आदींसह नागरिक उपस्थित होते.युनिक ग्रुपच्या वतीने आयोजित पाडवा पहाट कार्यक्र मात अभिनेत्री अश्विनी महांगडे यांनी आपल्या भूमिकेविषयी श्रोत्यांना माहिती दिली. तसेच श्रोत्यांशी संवाद साधला. दरम्यान, त्यांच्यासोबत सेल्फी घेण्यासाठी युवती व महिलांनी गर्दी केली होती.