ठळक मुद्दे दिंडीरी, पेठ, कळवण या तालुक्यातील गरजू विद्यार्थांना स्वेटर वाटप
दिडोरी : तालुक्यातील अतिदुर्गम भागातील सावरपाडा जिल्हा परिषद प्राथमिक शाळेतील विद्यार्थ्यांना युवा सेनेच्या वतीने स्वेटर वाटप करण्यात आले. जिल्हा परिषदेच्या सावरपाडा येथील प्राथमिक शाळेतील विद्यार्थ्यांना स्वेटर वाटप युवा सेनेचे आदित्य केळकर यांच्या उपस्थितीत करण्यात आले.
युवासेनेच्या वतीने, दिंडीरी, पेठ, कळवण या तालुक्यातील गरजू विद्यार्थांना स्वेटर वाटप करण्यात आले असून, यापुढेही अनेक सामाजिक उपक्रम राबविण्यात येणार आहे.यावेळी निलेश गवळी, सुरेश डोखळे, कारभारी आहेर व पुंडलिक महाले यांनी मनोगत व्यक्त केले. या प्रसंगी, युवा सेनेचे निलेश शिंदे, मोहन कामडी, किरण भुसार, मुन्ना हिरे, शाम वाघमारे व सुनील पगार उपस्थित होते.