ठळक मुद्देअरण्यवाचन, पक्षी निरीक्षण, जैवविविधता यातून विद्यार्थ्यांना वनपरिक्षण अभ्यास व्हावा या हेतू.
येवला : तालुक्यातील धार्मिक देवस्थान व पर्यटन स्थळ असणार्‍या देवदरी येथील मंदिर परिसरात शिवाज्ञा करियर अकॅडमीच्या वतीने विशेष स्वच्छता मोहीम राबविण्यात आली.अकॅडमीच्या विद्यार्थ्यांनी मंदिर परिसरातील संपूर्ण कचरा व कागद जमा करून त्याची विल्हेवाट लावली. अरण्यवाचन, पक्षी निरीक्षण, जैवविविधता यातून विद्यार्थ्यांना वनपरिक्षण अभ्यास व्हावा या हेतूने सदर कार्यक्रमाचे आयोजन अकॅडमीने केले होते.अकॅडमी संचालक रामकृष्ण कोंढरे यांनी यावेळी विविध दुर्मिळ व आयुर्वेदिक वनस्पतीची माहिती दिली. तसेच वन्यजीव व प्राण्याचे संरक्षण करण्याची शपथ विद्यार्थ्यांनी घेतली. याप्रसंगी शिक्षक बाळकृष्ण शिंदे, शैलेश पंडोरे आदी उपस्थित होते.