बुलेटच्या धडकेत चालकासह सायकलस्वार ठार

भरधाव बुलेटस्वाराने रस्ता ओलांडत असलेल्या सायकलस्वारास दिलेल्या धडकेत बुलेटचालकाचा जागीच, तर सायकलस्वाराचा उपचारादरम्यान मृत्यू झाल्याची घटना सातपूर औद्योगिक वसाहतीतील इंडियन टूल कंपनीसमोरील चौकात घडली़ या अपघातात बुलेटस्वाराच्या पाठीमागे बसलेली महिला गंभीर जखमी असून, तिच्यावर रुग्णालयात उपचार सुरू आहेत़ दरम्यान, या प्रकरणी सातपूर पोलीस ठाण्यात अपघाताचा गुन्हा दाखल करण्यात आला आहे.

नाशिक : भरधाव बुलेटस्वाराने रस्ता ओलांडत असलेल्या सायकलस्वारास दिलेल्या धडकेत बुलेटचालकाचा जागीच, तर सायकलस्वाराचा उपचारादरम्यान मृत्यू झाल्याची घटना सातपूर औद्योगिक वसाहतीतील इंडियन टूल कंप-  समोरील चौकात घडली़ या अपघातात बुलेटस्वाराच्या पाठीमागे बसलेली महिला गंभीर जखमी असून, तिच्यावर रुग्णालयात उपचार सुरू आहेत़ दरम्यान, या प्रकरणी सातपूर पोलीस ठाण्यात अपघाताचा गुन्हा दाखल करण्यात आला आहे. सातपूर पोलिसांनी दिलेल्या माहितीनुसार रात्री साडेनऊ वाजेच्या सुमारास विठ्ठल महादू कडाळे हे नलिनी तांगडे (४०) यांच्यासोबत बुलेटने (एमएच १५ एफएल ३१३२) सातपूर औद्योगिक वसाहतीतील इंडियन टूल कंपनीसमोर असलेल्या चौकातून भरधाव जात होते. त्यांनी रस्ता ओलांडत असलेला सायकलस्वार मिथुन निचेडी चव्हाण (२०) यास जोरात धडक दिली़ यामध्ये बुलेटचालक विठ्ठल कडाळे हे गंभीर जखमी झाल्याने त्यांचा मृत्यू झाला,तर नलिनी तांगडे यांच्या डोक्यास व हातापायास गंभीर दुखापत व सायकलस्वार मिथुन चव्हाण यांच्याही डोक्यास व कमरेला गंभीर दुखापत झाली होती़ पोलीस हवालदार रमेश दराडे यांनी या अपघाताबाबत सातपूर पोलीस ठाण्यात फिर्याद दिली आहे़सातपूर पोलिसांना या अपघाताची माहिती मिळताच अधिकारी व कर्मचारी घटनास्थळी पोहोचले़ त्यांनी तत्काळ या तिघांना उपचारासाठी जिल्हा रुग्णालयात दाखल केले असता वैद्यकीय अधिकाºयांनी बुलेटचालक विठ्ठल कडाळे यांना तपासून मयत घोषित केले़, तर सायकलस्वार मिथुन चव्हाण यांचा उपचारादरम्यान मृत्यू झाला़