सिडको : अतिरेक्यांना पुढे करून भ्याड हल्ला करणाऱ्या पाकिस्तानच्या दहशतवाद्यांवर भारतीय सैन्याने हवाईहल्ला करून धडा शिकविल्याबद्दल मंगळवारी सिडकोतील पवननगर येथे विविध युवक संघटनांनी एकत्र येऊन जल्लोष साजरा केला.यावेळी भारत माता जिंदाबाद, पाकिस्तान मुर्दाबादच्या घोषणा देण्यात आल्या त्याचबरोबर भारतीय सैन्याने बजावलेल्या कर्तबगारीचे कौतुकही करण्यात आले. मिराज विमानाच्या सहाय्याने भारतीय वायुसेनेने दहशतवाद्यांच्या घरात घुसून केलेल्या कारवाईचे समर्थनही करण्यात आले. दहशतवाद्यांच्या हल्ल्यात बळी पडलेल्या जवानांना श्रद्धांजलीही वाहण्यात आली. यावेळी वैभव देवरे, योगेश गांगुर्डे, विजय पाटील, अंकुश वराडे, मुकेश शेवाळे, आशिष हिरे, नवीन गावंडर, नितीन अमृतकर, हर्षल चव्हाण, सुजित देशमुख, सुबोध नागपुरे, भूषण देवरे, शुभम महाले आदी सहभागी झाले होते.
सिडकोत फटाके फोडून जल्लोष
By लोकमत न्यूज नेटवर्क | Updated: February 27, 2019 00:55 IST