पाताळेश्वर विद्यालयात वृक्ष लागवडीने नववर्ष केले साजरे

सिन्नर : तालुक्यातील पाडळी येथील पाताळेश्वर माध्यमिक विद्यालयात विद्यार्थ्यांनी केले मराठी नववर्षाचे पर्यावरणाची गुढी उभारून स्वागत. यावेळी विद्यार्थ्यांनी नव वर्षात जास्तीत जास्त फळाफुलांचे वृक्ष लावण्याचा संकल्प केला.झाडे लावू गोड फळे खाऊ, झाडे आहेत हिरवे गार सावली देतात थंडगार, झाडे लावूया प्रदुषण टाळूया, गुढी उभारू ज्ञानाची भरारी घेऊ गुणवत्तेची, गुढी उभारू वृक्षांची काळजी घेऊ निसर्गाची, वृक्ष लाऊया आनंदी राहूया, वृक्ष वाढवू घनदाट फार पाऊस पडेल जोरदार अशा विविध पर्यावरण पूरक घोषणानी परिसर दणाणून सोडला. प्रत्येक विदयार्थी किमान १० झाडे लावून त्याची जोपासना करून निसर्गाचा समतोल राखण्यासाठी मदत करण्याचे नियोजन विद्यार्थ्यांनी केले. मुख्याध्यापक एस. बी. देशमुख यांनी विद्यार्थ्यांच्या या उपक्रमाचे कौतुक करून मार्गदर्शन केले. विद्यार्थ्यांनी आपला वाढदिवस साजरा करतांना किमान दरवर्षी एक झाड लावून त्याचे संवर्धन करावे.