इगतपुरी तालुक्यातील बलायदुरी, पिंपळगांव घाडगा, भरवीर खुर्द, भरवीर बुद्रूक, कुºहेगांव, आहुर्ली, वाळविहीर, आडवण, चिंचलेखैरे, फांगुळगव्हाण, टाके घोटी, त्रिंगलवाडी, पिंप्रीसदो, आवळखेड, बोर्ली, भावली खुर्द, देवळे, शेनवड बुद्रुक, सोमज, खंबाळे, बोरटेंभे, नांदगांवसदो, कोरपगांव, कुर्णोली, धार्णोली, पिंपळगांव भटाटा, इंदोरे, सोनोशी, मांजरगांव, अडसरे बुद्रुक या ३० ग्रामपंचायतींची निवडणूक घोषित झाली. आॅनलाईन उमेदवारी अर्ज भरण्यासाठी १६ ते २१ नोव्हेंबरपर्यंत मुदत देण्यात आली आहे. ह्या कालावधीत दुपारी ३ वाजेपर्यंत नामनिर्देशनपत्रे स्वीकारण्यात येतील. नामनिर्देशनपत्रांची छाननी २२ नोव्हेंबर रोजी सकाळी ११ वाजेपासून करण्यात येणार आहे. माघारीसाठी २५ नोव्हेंबर रोजी दुपारी ३ वाजेपर्यंत मुदत देण्यात आलेली आहे. यानंतर उमेदवारांना चिन्हांचे वाटप करून अंतिम उमेदवारांची यादी प्रसिद्धी २५ नोव्हेंबरला दुपारी ३ वाजेनंतर होईल. ८ डिसेंबरला सकाळी ७.३० ते ५.३० वाजेपर्यंत मतदान घेण्यात येणार आहे. इगतपुरी तहसील कार्यालयात ९ डिसेंबरला मतमोजणी होणार आहे. विविध गटांच्या इच्छुकांनी जोरदार मोर्चेबांधणी केली आहे. इच्छुकांची धावपळ उडाली असून आरक्षण बदलले असल्याने कागदपत्रांची जमवाजमव सुरू झाली आहे.
इगतपुरी तालुक्यातील ३० ग्रामपंचायतींच्या पोटनिवडणूका
By लोकमत न्यूज नेटवर्क | Published: November 13, 2019 5:33 PM