घरफोडीत सव्वा लाखाचा ऐवज लुटला

म्हसरूळ शिवारातील मखमलाबाद रोडवरील उदयनगर येथील बंद बंगल्याचा दरवाजाचा कडी -कोयंडा तोडून अज्ञात चोरट्यांनी घरात प्रवेश करून सोन्याचांदीचे दागिने तसेच तेवीस हजार रुपयांची रोकड असा सव्वा लाख रुपयांचा ऐवज चोरून नेल्याची घटना उघडकीस आली आहे. याबाबत म्हसरूळ पोलीस ठाण्यात घरफोडीचा गुन्हा दाखल करण्यात आला आहे.

पंचवटी : म्हसरूळ शिवारातील मखमलाबाद रोडवरील उदयनगर येथील बंद बंगल्याचा दरवाजाचा कडी -कोयंडा तोडून अज्ञात चोरट्यांनी घरात प्रवेश करून सोन्याचांदीचे दागिने तसेच तेवीस हजार रुपयांची रोकड असा सव्वा लाख रुपयांचा ऐवज चोरून नेल्याची घटना उघडकीस आली आहे. याबाबत म्हसरूळ पोलीस ठाण्यात घरफोडीचा गुन्हा दाखल करण्यात आला आहे.गेल्या मंगळवार ते गुरुवार या कालावधीत ही घरफोडीची घटना घडली. माता पार्वती निवास येथे राहणाऱ्या हरिभाऊ राजाराम गोतरणे यांनी याबत तक्रार दाखल केली आहे. तीन ते चार दिवसांपूर्वी गोतरणे हे निफाड तालुक्यातील पिंपळगाव बसवंत येथे पत्नी व मुलींना आणण्यासाठी गेले होते, त्याच दरम्यान अज्ञात चोरट्यांनी त्यांच्या उदयनगर येथे असलेल्या बंगल्याच्या दरवाजाचा कडीकोयंडा तोडून घरातील कपाटात ठेवलेले सोन्या चांदीचे दागिने तसेच २३ हजार रुपयांची रोकड असा सुमारे सव्वा लाख रुपयांचा ऐवज चोरट्यांनी चोरून नेला. गोतरने घरी परतले असता त्यांच्या बंगल्याचा मुख्य दरवाजाचा कडीकोयंडा तोडलेला दिसला व दरवाजा उघडा असल्याचे निदर्शनास आले.