पेठ -विविध शासकिय योजना व अभियानाची यशस्वी कार्यवाही साठी शासनाकडून निरिनराळे फंडे वापरले जात असून पेठ तहसील कार्यालयाच्या वतीने मतदार नोंदणी अभिमान यशस्वी करण्यासाठी एकपात्री प्रयोगांच्या माध्यमातून जनजागृती करण्यात आली. येथील शिवचरित्रकार एकपात्री शिवकलाकार संकेत नेवकर यांनी शहरातील महाविद्यालये व शासकिय वस्तीगृहातील नवमतदारांना मतदान नोंदणी करून मतदारांची संख्या वाढविण्यासाठी एकपात्री प्रयोगातून जनजागृती करण्यात आली. तसेच पोषण आहार अभिमान निमित्त एकपात्री प्रयोग सादर करण्यात आले. याप्रसंगी तहसीलदार हरिष भामरे, जयश्री शिंदे आदी उपस्थित होते.