जिल्ह्यात ७९ लोकसेवकांवर हल्ले; पोलीस सर्वाधिक ‘टार्गेट’

नाशिक : शहरासह ग्रामीण भागातसुद्धा २०२० सालात सरकारी कर्मचाऱ्यांवर हल्ल्यांच्या घटना सातत्याने घडल्या आहेत. सुदैवाने कोणत्याही खात्यातील लोकसेवक गंभीर जखमी झालेला नाही. शहरात ३७, तर ग्रामीण भागात ४२ सरकारी नोकरदारांना संशयिताकडून वाद घालत किरकोळ मारहाण करून शासकीय कामात अडथळा निर्माण केल्याची नोंद पोलीस दप्तरी आहे.

२०२० हे वर्ष कोरोनाच्या सावटाखाली गेले. पाच महिने लॉकडाऊन व शासकीय कार्यालयात अत्यल्प कर्मचाऱ्यांची हजेरी यामुळे यावर्षी सरकारी कामात अडथळा आणल्याचे प्रकार २०१९च्या तुलनेत कमी घडले. २०१९साली नाशिक पोलीस आयुक्तालय हद्दीत सुमारे ६७ लोकसेवकांना मारहाण झाली होती. या तुलनेत गेल्यावर्षी केवळ ३७ कर्मचाऱ्यांना अशा घटनांना सामोरे जावे लागले. एकूणच यावरून प्रमाण निम्म्यावर आल्याचे दिसून येते.

त्याचप्रमाणे ग्रामीण भागातदेखील सरकारी कर्मचाऱ्यांवरील हल्ल्याचे प्रमाण कमीच राहिले. कोरोनामुळे अशा घटनांना वाव मिळून आला नाही. शासकीय कार्यालयांमधील लोकांची वर्दळ थांबली होती तसेच दैनंदिन जनजीवनही ठप्प झाले होते. ग्रामीण पोलीस अधीक्षक कार्यालयाच्या हद्दीतील विविध पोलीस ठाण्यांच्या हद्दीत सरकारी कर्मचाऱ्यांवर हल्ले झाले. एकूण ४२ घटनांची नोंद झाली.

---इन्फो--

ग्रामीण भागात पोलीस ‘लक्ष्य’

ग्रामीण भागात १३ पोलीस, १४ महसूल कर्मचाऱ्यांसह सहा डॉक्टर, आरटीओ, शिक्षक प्रत्येकी एक तर जिल्हा परिषद, वनविभाग आणि महावितरणचे प्रत्येकी दोन कर्मचाऱ्यांवर हल्ले करण्यात आल्याची नोंद पोलिसांकडे आहे. या सर्व लोकसेवकांना किरकोळ मारहाण व शिवीगाळ केल्याचे प्रकार घडले. मालेगाव तालुक्यात ६, सिन्नरमध्ये ५ आणि नांदगावात ४ घटनांची सर्वाधिक नोंद झाली आहे.

---

पॉइंटर्स

२०२०मध्ये पोलीस कर्मचाऱ्यांवर ३१ घडल्या घटना

---इन्फो---

न्यायालयांत दोषारोपपत्र

नाशिक शहर व ग्रामीण भागात गेल्या वर्षी पोलिसांवर हल्ल्यांच्या सुमारे ३१ घटना घडल्या. यामध्ये १३ घटना ग्रामीण भागात घडल्या आहेत. शहर पोलिसांनी ३६ गुन्हे उघडकीस आणले आहेत. त्यापैकी बहुतांश गुन्ह्यांचे दोषारोपपत्र न्यायालयात दाखल करण्यात आले आहे. काही गुन्ह्यांचा तपास अद्यापही सुरू आहे.

----आलेख----

पोलीस अधीक्षक कार्यालय-१३

महसूल कार्यालय-१४

जिल्हा परिषद कार्यालय-२

---

फोटो : आर वर १२ऑफिस वर्क नावाने सेव्ह आहे.

डमी फॉरमेट आर वर १२ अटॅक ऑन आफिसर नावाने सेव्ह