सिडको : विनापरवानगी सार्वजनिक ठिकाणी वाढदिवस साजरा केल्याने आयोजका विरुद्ध गुन्हा दाखल करून आशिष फिरोदिया यास अटक करण्यात आली आहे.
एका राजकीय पक्षाचे आशीष फिरोदिया यांचे वाढदिवसानिमित्त सिडकोतील सिंहस्थनगर भागात बुधवार (दि. ११) रोजी सायंकाळच्या सुमारास आशिष फिरोदिया यांनी स्वत:च्या वाढदिवसाचे कार्यक्रमाचे आयोजन करून राजकीय लोकांना कार्यक्रमास बोलाविलेले होते. सदर कार्यक्रमांचे आयोजन करण्यासाठी आशिष फिरोदिया यांनी पोलीस विभागाची रितसर लेखी परवानगी न घेता, बॅनर, टेबल, खुर्च्या लावून एकत्रित जमून, तसेच कार्यक्रमास जमलेल्या गर्दीमुळे सध्या सुरू असलेल्या कोरोना विषाणु या संसर्गजन्य रोगाचा प्रादुर्भाव होण्याचे परिणामांकडे दुर्लक्ष करून स्वत:चे व सामान्य लोकांचे जीवितास धोका निर्माण होईल अशी कृती केली असल्याने सदरची बाब पोलिसांचे निदर्शनास येताच अंबड पोलीस ठाणेत त्यांच्याविरुद्ध गुन्हा दाखल करण्यात आलेला असून, अंबड पोलिसांनी फिरोदिया यांना अटक करण्यात आली आहे. विनापरवानगी सार्वजनिक ठिकाणी वाढदिवस व अन्य कार्यक्रम घडवून आणणाऱ्या आयोजकांवर यापुढे गुन्हे दाखल करून कडक कारवाई करण्यात येेणार असल्याचे वरिष्ठ पोलीस निरीक्षक कुमार चौधरी यांनी सांगितले.