नाशिक - येत्या १८ व १९ मे रोजी नाशिक शहरात होत असलेल्या राज्यस्तरीय वास्तु - ज्योतिष अधिवेशनाला महाराष्टÑ अंधश्रध्दा निर्मुलन समितीने कडाडून विरोध केला आहे. ज्योतिष हे शास्त्र असल्याचे सिध्द करून दाखवावे तसेच सध्या सुरू असलेल्या लोकसभा निवडणूकीच्या निकालाबाबत यापूर्वीच दिलेले आव्हान पेलून दाखवावे असे समितीने म्हंटले आहे.
नाशिकमध्ये होणाºया या वास्तु- ज्योतिष अधिवेशनाची तयारी सुरू आहे मात्र दुसरीकडे महाराष्टÑ अंधश्रध्दा निर्मुलन समितीचे राज्य सरचिटणीस ठकसेन गोराणे, राज्य सदस्य राजेंद्र फेगडे आणि जात पंचायतबाबतीतील राज्य समन्वयक कृष्णा चांदगुडे यांनी यासंदर्भात विरोध करणारे निवेदन दिले आहे. फल ज्योतिष आणि वास्तुशास्त्र निव्वळ थोतांड आहे. प्रचलीत वास्तुशास्त्र अभ्याक्रमाच्या व्यतिरीक्त लोकांच्या अज्ञानाचा, अगतिकेतचा फायदा होऊन काही धुर्त व्यक्ती आणि संस्था राजरोसपणे समाजाची आर्थिक व मानसिक लुट करतात. बिनबुडाचे ठोकताळे, मोठ्या हुशारीने हे तथाकथित वास्तु तज्ज्ञ तसेच वास्तुविशारद आणि वास्तुपंडित लोकांच्या गळी उतरवितात. प्लॉटचा आकार त्रिकोणी असेल तर घरात भांडणे सुरू होतील. अग्नेय दिशेला घराचे स्वयंपाक घर नसेल तर अन्न बेचव होईल असे भंपक दावे करून संबंधीत हेच विज्ञान असल्याचे ठसविण्याचा प्रयत्न करीत असतात.
आज विज्ञानाला महत्व अहो. निरीक्षण, प्रयोग, चिकित्सा, कार्यकारण भाव आणि पुरावा या गोष्टींना विज्ञानात महत्व असते. याच जोरावर आपण अप्रगत अवस्थेवरून मोबाईल युगापर्यंत आलो आहोत. मात्र त्याचा मागमुस वास्तुशास्त्रात आढळत नाही. त्यामुळे अशा प्रकारच्या फसव्या तंत्राच्या नादी लागून कोणीही अधिवेशन तसेच परिषदांना उपस्थित राहू नये असे आवाहन करतानाच संबंधीत व्यक्ती आणि संघटना यांनी हा विषय शास्त्र असल्याची संधी अंनिस देत आहे त्याच बरोबर सध्या सुरू असलेल्या लोकसभा निवडणूकीत कोणत्या पक्षाचे किती व कोणकोणते उमेदवार किती मताधिक्याने निवडून येतील, त्यांची टक्केवारी काय असेल, नोटा किती लोक वापरतील अशा आशयाच्या २५ प्रश्नांची प्रश्नावली अगोदरच संघटनेने जाहरि केली असन ती २० मेच्या आत संघटनेकडे पाठविण्यत यावी. प्रत्यक्ष निकालानंतर ज्योतिषांचे ठोकताळे तपासून सर्व प्रश्नांची अचुक उत्तरे देणाºयास २१ लाख रूपयांचे बक्षीस देण्यात येणार आहे. त्यातही सहभाग नोंदविण्याचे आव्हान समितीने दिले आहे.