इंदिरानगर : पाथर्डी फाटा ते पाथर्डी गावाकडे जाणाऱ्या रस्त्यावर दुभाजकअभावी अपघाताचे प्रमाण वाढले आहे. त्यामुळेच जीवितहानीच्या घटनाही वाढल्या आहेत.मुंबई-आग्रा महामार्ग, देवळाली कॅम्प वडनेरगेट पाथर्डीगाव यांसह विविध गावांतून शहरात ये-जा करण्यासाठी या रस्त्याचा वापर करीत असल्याने दिवसभर मोठ्या प्रमाणात वाहनांची वर्दळ सुरू असते. तसेच या रस्त्यास अनेक दिवसांपासून दुभाजकाची मागणी करूनही अद्यापही न टाकण्यात न आल्याने लहान-मोठ्या अपघातांचे प्रमाण वाढले आहे. तसेच जीवितहानीची घटनाही वाढत चालले आहे. या रस्त्यावर बेफाम वेगाने वाहने धावत असल्याने नेहमीच लहान-मोठे अपघात होत असल्याची तक्रार नागरिकांनी केली आहे. पाथर्डी फाटा ते पाथर्डी गाव या रस्त्यादरम्यान व कडवेनगरसमोर अशी अपघाताचे ठिकाण झाली आहेत. या ठिकाणी अपघात होऊन जीवितहानीच्या घटनामध्ये वाढ होत आहे.
पाथर्डी रस्त्यावर अपघातात वाढ
By लोकमत न्यूज नेटवर्क | Updated: October 15, 2019 00:56 IST