सिन्नर : सतत बदलणाºया हवामानामुळे कांदा रोपांची व लागवड केलेल्या कांद्याचे नुकसान होत आहे. लागवडीचा खर्च परवडत नसल्याने शेतकºयांनी लागवडीऐवजी कांदा पेरणीचा अवलंब केला आहे. सिन्नरच्या उत्तर व पश्चिम पट्ट्यात शेकडो हेक्टर क्षेत्रावर कांद्याची पेरणी करण्यावर शेतकºयांनी भर दिला आहे.
कांदा बियाणे, मशागत, लागवड, खते व किटकनाशके आदी खर्च करूनही वाया गेल्यामुळे हैराण झालेल्या शेतकºयांनी कांद्याची यंत्राद्वारे पेरणी करण्याची शक्कल लढवली आहे. कमी खर्चात कांद्याचे क्षेत्र तयार होत असल्यामुळे प्रत्येक गावात या पेरणी यंत्राला मागणी वाढली.
बघता बघता नायगाव खोर्?यात कांद्याची लागवड करण्याऐवजी पेरणीला शेतकºयांनी पसंती दिली आहे. नायगाव खोºयाबरोबरच तालुक्याच्या पश्चिम पट्ट्यातील चिंचोली, मोह, वडगाव पिंगळा तसेच पूर्व भागातील वडांगळी परिसरातील गावांमध्येही पेरणी करण्यावर शेतकरी भर देताना दिसत आहे. तथ्लृापि, वारंवार रोप व कांदा लागवड करु नही खरीपापाठोपाठ रब्बीचा हंगाम वाया गेल्याने शेतकरी आर्थिक अडचणीत सापडला आहे.
बदलत्या हवामानाचा फटका
नाशिक जिल्ह्यात कांद्याचे आगार म्हणून नायगाव खोºयाची ओळख आहे. यंदा मात्र खोºयातील कांदा पीक सतत पडणारा पाऊस व बदलणाºया हवामानामुळे पुरता खराब झाला आहे. परिसरातील शेतकºयांनी महागडे कांदा बियाणे घेऊन टाकलेली रोपे पुर्णत: वाया गेली. शेतातील आर्द्रता व खराब हवामान यामुळे रोपांची उगवणच झाली नाही. लागवड केलेले कांदा पीक अवेळी येणारा पाऊस व हवामानामुळे शेतातच सडले.