नाशिकरोड : मध्य रेल्वेच्या तिकीट तपासणीसांनी १७ एप्रिल ते ३ ऑक्टोबर या साडेपाच महिन्यांच्या कालावधीत मास्क न घातलेल्या व्यक्ती आणि सुमारे २१ हजार प्रवाशांकडून ३५ लाख २८ हजार रुपये दंड वसूल केला आहे. रेल्वेत व रेल्वे स्थानक परिसरात मास्क न घालणाऱ्या व्यक्ती व प्रवाशांना प्रत्येकी पाचशे रुपये दंड केला जातो. कोरोना काळात मास्क न घालणाऱ्या प्रवाशांकडून रेल्वेने दंड अगोदर पासूनच आकारण्यास सुरुवात केली आहे. आता कारवाईची मुदत १६ एप्रिल २०२२ पर्यंत वाढविण्यात आली आहे. मागील सहा महिन्यांत मध्य रेल्वेत मास्कचा वापर न करणाऱ्या २० हजार ९१० जणांकडून ३५ लाख २६ हजार रुपये दंड वसूल करण्यात आला. कोरोनाचा प्रसार रोखण्यासाठी आणि कोरोना नियंत्रणासाठी मास्कचा नियम आधीच लागू करण्यात आलेला आहे.
विनामास्क रेल्वे प्रवाशांकडून ३५ लाखांचा दंड
By लोकमत न्यूज नेटवर्क | Updated: October 11, 2021 01:11 IST