खांडबारा येथे ८६ नागरिकांना दिली लस

ॲग्रीकल्चरल हायस्कूलच्या परिसरात शुक्रवारी या लसीकरण शिबिराचे आयोजन करण्यात आले होते. शिबिराच्या उद्घाटन प्रसंगी गटविकास अधिकारी चंद्रकांत माळी, गटशिक्षणाधिकारी रमेश चौरे, केंद्रप्रमुख सुभाष चंद्र पाटील, वैद्यकीय अधिकारी डॉ. योगेश वळवी ,डॉ. सोनिया नाईक ,डॉ. तुषार वसावे ग्रामविकास अधिकारी विजय अहिरे, ग्रामपंचायत सदस्य मुकुंद रामराजे, मुख्याध्यापक दिलीप बोरसे ,उपमुख्याध्यापक छगन महाले, पर्यवेक्षक राजेंद्र वाघ, हरी माळी ,उपप्राचार्य प्रमोद भावसार उपस्थित होते. गावात व परिसरात गावामध्ये गेल्या पंधरा दिवसापासून जिल्हा परिषद प्राथमिक शाळा माध्यमिक शाळांचे शिक्षक, ग्रामपंचायत कर्मचारी, आशा वर्कर, गावात प्रत्येक घरी भेट देऊन ४५ वर्ष व त्यावरील नागरिकांना लसीकरण घेण्याचे आवाहन करीत असून लस घेतल्याने होणारे फायदे समजावून सांगत सांगत होते. माध्यमिक शाळेत व्हरांड्यात सामाजिक अंतर ठेवून नागरिकांची लसीकरणाबाबत नोंदणी करण्यात येऊन शिबिरात एकूण ७६ नागरिकांना लस देण्यात आली. लसीकरणासाठी परिचारिका आशा वळवी, गुळवे, अरुणा वळवी ह्या सहकार्य करीत आहेत. ग्रामविकास अधिकारी विजय अहिरे, तलाठी चंद्रसिंग नाईक, केंद्रप्रमुख सुभाष चंद्र पाटील, प्राथमिक व माध्यमिक शाळांचे शिक्षक, पळसुनचे वैद्यकीय अधिकारी डॉ. योगेश वळवी, डॉ. सोनिया नाईक, डॉ. तुषार वसावे, ग्रामपंचायत कर्मचारी, आशा सेविका, अंगणवाडी कर्मचारी परिश्रम घेत आहेत.