फोटोग्राफी कला जोपासणाऱ्या तीन पिढ्या

लोकमत न्यूज नेटवर्कनंदुरबार : जिल्ह्यात १९३२ पासून फोटोग्राफी करणारे एकमेव कुटूंब सध्या नंदुरबार शहरात वास्तव्यास आहे़ शहरातील मंगळबाजारात आद्य छायाचित्रकार रामभाऊ जगन पाटील यांनी जोपासलेला वारसा त्यांच्या एका पिढीने चालवला असून तिसरी पिढी या व्यवसायात नव्या तंत्रज्ञानासह कार्यरत आहे़स्वातंत्र्यपूर्व काळात अर्थात १९३२ पासून फोटोग्राफी व्यवसायात असलेले कै़ रामभाऊ जगन पाटील हे मंगळ बाजारातील पाटील फोटो स्टुडिओ चालवीत असत़ त्यांनी सुमारे ६५ वर्ष फोटोग्राफी कलेची जोपासना करत हा व्यवसाय वाढवला़ जुन्या काळात त्यांनी शासकीय फोटोग्राफर म्हणूनही काम केल़ स्वातंत्र्यपूर्व काळात १९३२ पासून सूर्यप्रकाशावर आधारित फोटोग्राफी कॅमेºयाच्या सहाय्याने व्यवसायाला सुरुवात केली़ नंदुरबार सारख्या अतिदुर्गम भागात त्यांनी आपला छंद असलेला फोटोग्राफी व्यवसाय खडतर प्रवासातून सुरू केला़ फोटोग्राफी ही एक कला आहे ती कला जोपासत आपला छंद व्यवसाय म्हणून निवडला त्या माध्यमातून त्यांनी स्टुडिओ व्यतिरिक्त होणारे विविध समारंभ व शासकीय कार्यक्रमांना फोटोग्राफीच्या माध्यमातून हजेरी लावली़ त्यामुळे त्यांनी विविध ठिकाणी अनेक फोटो आपल्या कॅमेरात टिपले हाते़ यातून त्यांनी एक ऐतिहासिक ठेवा निर्माण करुन ठेवला आहे़रामभाऊ पाटील यांचे नातू नितीन पाटील आजोबांच्या स्मृतीनिमित्त आदिवासी संस्कृती, निसर्ग, यात्रा, उत्सव यासह विविध विषयांवर फोटो प्रदर्शन भरवत त्यांच्या स्मृतींना दरवर्षी उजाळा देत आहेत़ सोबतच राज्यस्तरीय छायाचित्र स्पर्धा आणि सारंगखेडा ता़ शहादा येथे सुप्रसिद्ध अशा चेतक फेस्टीवलमध्ये छायाचित्र प्रदर्शन भरवण्याचा मानही त्यांनी मिळवला आहे़ या प्रदर्शनाचे उद्घाटन तत्कालीन मुख्यमंत्री देवेंद्र फडणवीस यांच्याहस्ते करण्यात आले होते़ त्यांना विविध राज्य आणि राष्ट्रीय स्तरावरचे पुरस्कार व पारितोषिक देखील मिळाले आहेत.कैलासवासी रामभाऊ पाटील यांनी त्यांच्या ६५ वर्षांच्या कारकिर्दीत मोरवड येथील संत गुलाम महाराज, संत पहेलवान बाबा, संत दगा महाराज, संत मोरारी बापू यांच्यासह थोर पुरुषांमधील स्वातंत्र्यवीर सावरकर, साने गुरुजी तसेच राजकीय नेत्यांमध्ये तत्कालीन पंतप्रधान इंदिरा गांधी, अटल बिहारी वाजपेयी, बाळासाहेब ठाकरे, राजीव गांधी, माजी मुख्यमंत्री वसंत दादा पाटील, ज्येष्ठ नेते शरद पवार यांच्यासह दिग्गज अशा नेत्यांची छायाचित्रेही टिपली आहेत़ रामभाऊंच्या निधनानंतर त्यांचे पुत्र भरत पाटील आणि कै.सुनील पाटील यांनी तर त्यांच्यानंतर आजघडीस नातू नितीन पाटील हे फोटोग्राफी व्यवसायाचा वारसा पुढे चालवत आहेत़