सोनवद त.श. ग्रामपंचायतीच्या सरपंचपदी राजेंद्र वाघ यांची तर उपसरपंचपदी पुंडलिक पाटील यांची बिनविरोध निवड झाली. या ग्रा.पं.च्या निवडणुकीत पुंडलिक पाटील व राजेंद्र वाघ यांच्या जनशक्ती पॅनलला नऊपैकी सहा जागा मिळाल्या तर ग्रामविकास पॅनलला तीन जागांवर समाधान मानावे लागले. सरपंचपदी राजेंद्र गबा वाघ तर उपसरपंचपदी पुंडलिक पाटील यांची बिनविरोध निवड करण्यात आली. या वेळी ग्रा.पं. सदस्य मीनाक्षी वाल्मीक निकम, कमलबाई दशरथ पाटील, भूमिका सुकलाल धनगर, वजाबाई जयसिंग भील, रवींद्र उखड्या भील, सागर आसाराम भील, कमल ठाणसिंग भिल उपस्थित होते. निवडणूक अधिकारी म्हणून जी.आर. पाटील यांना काम पाहिले. ग्रामसेवक अनिल ठाकरे यांनी सहकार्य केले.
शेल्टी येथील ग्रामपंचायतीच्या सरपंचपदी जिजाबाई मोतीराम साळवे तर उपसरपंचपदी विलास दाजू मोरे यांची निवड करण्यात आली. या वेळी भाजपचे तालुकाध्यक्ष ईश्वर भूता पाटील, आनंदा गुमान सावळे, राजाराम तुकाराम पाटील, दंगल शिंदे, दाजू मोरे, रजेसिंग भिल, बन्सी पुंजरू, मोहन पाटील, वल्लभ पाटील, मगनपाटील, किशोर पाटील, पद्मजा पाटील, नाना सावळे यांचे सहकार्य लाभले.