रोटरी क्लब नंदनगरीचा पदग्रहण समारंभ

लोकमत न्यूज नेटवर्कनंदुरबार : रोटरी क्लब आॅफ नंदनगरीचा तिसरा पदग्रहण सोहळा येथे झाला. कार्यक्रमाची सुरुवात रोटरी प्रार्थनेने झाली. या वेळी क्लबच्या नूतन पदाधिकाऱ्यांनी शपथ देण्यात आली.कार्यक्रमास खासदार डॉ.हीना गावीत, रोटरीचे डिस्ट्रीक्ट गव्हर्नर प्रशांत जानी, हेता जानी, श्रीकांत इंदाणी, अनिश शाह, रोटरी नंदनगरीचे नवनिर्वाचित अध्यक्ष नागसेन पेंढारकर, सचिव मनोज गायकवाड, माजी अध्यक्ष प्रीतीश बांगड आदी उपस्थित होते.या पदग्रहण समारंभात डिस्ट्रीक्ट गव्हर्नर प्रशांत जानी यांनी नवनिर्वाचित अध्यक्ष नागसेन पेंढारकर व सचिव मनोज गायकवाड यांना शपथ दिली. याप्रसंगी खासदार डॉ.हीना गावीत व जि.प.चे उपाध्यक्ष अ‍ॅड.राम रघुवंशी यांना रोटरी क्लब नंदनगरीचे मानस सदस्यत्व प्रदान करण्यात आले. नवीन सदस्य म्हणून डॉ.गौरव तांबोळी, डॉ.स्वप्निल महाजन, प्रवीण पाटील, इकबाल शेख, आकाश चौधरी, दिक्षांत सारडा, अब्बास काटावाला, राकेश आव्हाड, जुझर बोहरी यांना रोटरी पिन लावून रोटरी क्लब नंदनगरीमध्ये समाविष्ट करण्यात आले. प्रशांत जानी, श्रीकांत इंदाणी, प्रीतीश बांगड, नागसेन पेंढारकर यांनीही मनोगत व्यक्त केले.या कार्यक्रमाअंतर्गत शहरातील नवनिर्माण संस्था, अस्तित्व फाऊंडेशन, श्री छत्रपती ब्लड फाऊंडेशन, जमीअत उलमा ऐ हिन्द या संस्थांचा तसेच रोटरी नंदनगरीच्या सदस्यांच्या कोरोना योद्धा म्हणून प्रमाणपत्र देऊन गौरविण्यात आले. आॅनलाईन गीतगायन स्पर्धा व्हॉईस आॅफ नंदुरबार या स्पर्धेच्या विजेत्यांना मान्यवरांच्या हस्ते पारितोषिक वितरण करण्यात आले. या स्पर्धेत प्रथम रागिणी शिंदे, द्वितीय पार्थ घासकडबी, तृतीय महिमा वळवी तर उत्तेजनार्थ म्हणून दीपक जाधव, रोहिणी पिंपळे, केतकी गोहील यांना पारितोषिक वितरीत करण्यात आले. कार्यक्रमात कोरोनाची पार्श्वभूमी लक्षात घेता सर्व खबरदारी घेण्यात आली होती.कार्यक्रमात मिटिंग कॉल टू आॅर्डर अनिल शर्मा यांनी तर फोर वे टेस्ट आकाश जैन यांनी म्हटले. सूत्रसंचालन किरण दाभाडे तर आभार सचिव मनोज गायकवाड यांनी मानले. कार्यक्रमासाठी युवराज पाटील, मनीष बाफना, दिनेश साळुंखे, रमाकांत पाटील, हाकिम लोखंडवाला, विवेक जैन, हर्षल पाटील, मुर्तुझा वोरा, इसरार सैयद, फकरुद्दीन जलगुणवाला, प्रवीण येवले, सॅमूवेल लवणे, अ‍ॅड.प्रेमानंद इंद्रजित, विनोद जैन, अपूर्व पटेल, महेंद्र झंवर, रवी नानकानी, दीपक सेवाणी, विजय मंगलानी, अभिजित जाधव यांच्यासह रोटरी क्लब आॅफ नंदनगरीच्या सर्व सदस्यांनी परिश्रम घेतले.