शहरातील बाजार पेठेत गर्दी होत असताना पेट्रोलपंपांवरही गर्दी होत असल्याचे सातत्याने दिसून येत आहे. अनेक जण दुचाकी वाहने घेत वेळाेवेळी पेट्रोल टाकत आहेत. यातून शहरातील पेट्रोलपंपांवर गजबज वाढली आहे. शहरातील सुभाष चाैकातील पेट्रोलपंपांवर गर्दी झाल्याने या परिसरातील वाहतूक व्यवस्था मंगळवारी दुपारी कोलमडल्याचे दिसून आले. किराणा मालाची मोठी विक्री सुरु असल्याने सोमवार आणि मंगळवारी लाखो रुपयांची उलाढाल झाल्याचे सांगण्यात येत आहे. खाद्यतेल, धान्य, तांदूळ, विविध प्रकारच्या डाळी आणि साखर यांची मोठी खरेदी करण्यात आली. ग्रामीण भागातील छोटे किराणा व्यावसायिक मंगळवारी बाजारात आल्याने गर्दीत वाढ झाली होती.
पासची आवश्यक नाही
संचारबंदी कालावधीत मालवाहतूक आणि गॅस वितरणासाठी वेगळ्या पासची आवश्यकता असणार नाही. लोकसेवा आयोग, विद्यापीठ परीक्षांचे परिक्षार्थीं आणि परीक्षा कामकाजाकरिता नियुक्त अधिकारी कर्मचारी यांनाही पास काढायची आवश्यकता आदेश दिले आहेत.