जिल्ह्यातील खाजगी दवाखाने सील करणे टाळा

लोकमत न्यूज नेटवर्कनंदुरबार : जिल्ह्यातील खाजगी रुग्णालयात इतर रुग्ण उपचार घेत असताना त्या ठिकाणी कोरोना पॉझिटिव्ह रुग्ण आढळल्यास ते रुग्णालय १४ दिवस सील करू नये अशी मागणी भाजपा जिल्हाध्यक्ष विजय चौधरी यांनी निवेदनाद्वारे केली आहे़ जिल्हाधिकारी यांना हे निवेदन देण्यात आले आहे़निवेदनात, कोरोनामुळे प्रचंड भीतीचे वातावरण असताना देखील नंदुरबार जिल्ह्यातील खासगी डॉक्टर त्यांच्या रुग्णालयांमध्ये स्वत:चा जीव धोक्यात घालून रुग्णांची सेवा करीत आहेत़ यामुळे शासकीय रुग्णालयाच्या ताण कमी झाला आहे़ ज्या पद्धतीने शासकीय रुग्णालयातील डॉक्टर, परिचारिका सफाई कामगार व पोलीस प्रशासन कोरोनाविरोधातील युद्धात सहभागी झाले आहेत़ त्याचप्रकारे खाजगी डॉक्टर देखील या लढ्यात सामील आहेत़ परंतू एखाद्या रुग्णालयात कोरोना पॉझिटिव्ह रुग्ण आढळल्यास ते रुग्णालय १४ दिवस सील करण्यात येते़ तसे न करता केवळ ४८ तास पूर्ण हॉस्पिटल निजंर्तूक करून पूर्ववत सुरू करण्याची कार्यवाही करण्यात यावी, नुकतेच केंद्रीय आरोग्य मंत्रालयाने खासगी रुग्णालयात कोरोना पॉझिटिव्ह रुग्ण आढळल्यास संपूर्ण रुग्णालय सील करण्याची आवश्यकता अथवा त्या परिसरातील कार्यालय दुकाने बंद करण्याची आवश्यकता नसल्याचे म्हटले आहे़ दवाखाने सील केल्यामुळे दाखल रुग्णांचे हाल व डॉक्टरांचे खच्चीकरण होत असल्याचे जिल्हाध्यक्ष विजय चौधरी यांनी म्हटले आहे़यावेळी जिल्हाध्यक्ष चौधरी यांच्यासह देव मोगरा एज्युकेशन संस्थेचे चेअरमन राजेंद्रकुमार गावीत, जिल्हा सरचिटणीस निलेश माळी, युवा मोर्चाचेहर्षल पाटील, वैद्यकीय आघाडीचे जिल्हाध्यक्ष डा़ॅ़ मनोज तांबोळी उपस्थित होते.