नंदुरबारात सकाळी सशस्त्र दरोडा, १२ लाखापेक्षा अधीक रक्कम लंपास

लोकमत न्यूज नेटवर्कनंदुरबार : शहरातील गजबजलेल्या गणपती मंदीरामागील रस्त्यावर असलेल्या डी.सी.डेव्हलपर्सच्या कार्यालयात दोन सशस्त्र दरोडेखोरांनी तेथील कर्मचाऱ्याला बांधून ठेवत त्याच्याकडून १२ लाखाची रक्कम घेऊन पोबारा केल्याची घटना बुधवारी सकाळी घडली. याशिवाय डीएसके कॉम्पलेक्समध्येही प्रयत्न झाल्याचे समजते. या घटनांमुळे खळबळ उडाली आहे.नंदुरबारातील बांधकाम व्यावसायिक व व्यापारी देवेद्र जैन यांचे गणपती मंदीरामागील भागात मुख्य रस्त्यावर डी.सी.डेव्हलपर्सचे कार्यालय आहे. या ठिकाणी त्यांचा आर्थिक व्यवहार देखील होतो. ही बाब हेरून दरोडेखोरांनी बुधवारी सकाळी साडेआठ ते साडेनऊ वाजेदरम्यान कार्यालयात घूसून दरोडा टाकला. दोन सशस्त्र दरोडेखोरांनी पिस्तूलचा धाक दाखवत तेथील कर्मचाºयाला बांधून ठेवले. कार्यालयातील १० ते १२ लाखाची रक्कम घेऊन दोघांनी तेथून पोबारा केला. कर्मचाºयाने कशीबशी सुटका करून आरडाओरड केल्यानंतर घटना उघडकीस आली. तातडीने पोलिसांना पाचारण करण्यात आले. पोलीस अधीक्षक महेद्र पंडित , अपर अधीक्षक चंद्रकांत गवळी, उपअधीक्षक रमेश पवार, स्थानिक गुन्हा अन्वेशन शाखेचे निरिक्षक किशोर नवले, शहर ठाण्याचे सुनील नंदवाळकर यांच्यासह वरिष्ठ अधिकाऱ्यांनी घटनास्थळी धाव घेतली. श्वान पथक मागविण्यात आले. पथकाने मागील बाजुच्या रस्त्यापर्यंत माग दाखवून तेथेच घुटमळले.पोलिसांनी कार्यालयातील तसेच परिसरातील दुकानांबाहेर लावलेले सीसीटीव्ही फुटेजही तपासले. ठसे तज्ज्ञांनाही पाचारण करण्यात आले.या शिवाय डीएसके कॉम्पलेक्समध्येही असा प्रयत्न झाला. तेथून किती रक्कम लंपास केली गेली याबाबत पोलीस माहिती घेत आहेत.दरम्यान, या घटनेमुळे खळबळ उडाली आहे.