लोकमत न्यूज नेटवर्कनंदुरबार : ट्रॅक्टर व स्पेअरपार्ट विक्रीच्या रक्कमेत 18 लाख 42 हजार 449 रुपयांची फसवणूक केल्याप्रकरणी नवापूर व शहादा येथील दोघांविरुद्ध नंदुरबार शहर पोलिसात गुन्हा दाखल करण्यात आला आहे. पंकज प्रकाश शिंपी, रा.नवापूर व हेमलभाई विनय गांधी, रा.शहादा असे दोघा संशयीतांची नावे आहेत. नंदुरबार येथील स्वामी समर्थ ऑटो मोबाईल या ट्रॅक्टरच्या शोरूममध्ये ही घटना घडली. सुभाष भुक्कन वळवी यांच्या फिर्यादीनुसार ट्रॅक्टर व स्पेअरपार्ट विक्रीच्या रक्कमेबाबत नियमित हिशोब देण्यात आला. उर्वरित 18 लाख 42 हजार 449 रुपयांची रक्कम वळवी यांचा विश्वास संपादन करून ती देण्यास शिंपी व गांधी यांनी टाळाटाळ केली. शिवाय पोष्टाद्वारे धमकीची चिठ्ठी पाठवून ठार मारण्याची धमकी देखील दिली. आपण फसविले गेल्याचे लक्षात आल्यावर सुभाष वळवी यांनी शहर पोलिसात फिर्याद दिली. त्यावरून पंकज शिंपी व हेमलभाई गांधी यांच्याविरुद्ध फसवणुकीचा गुन्हा दाखल करण्यात आला आहे. तपास पोलीस निरिक्षक नंदवाळकर करीत आहे.
ट्रॅक्टर स्पेअरपार्टच्या रक्कमेत 18 लाखांची फसवणूक
By लोकमत न्यूज नेटवर्क | Updated: November 8, 2019 12:52 IST