नांदेड : येथील लातूर फाट्यावरील पुलाजवळ एका व्यक्तीचा मृतदेह २४ ऑगस्ट रोजी सकाळी ९ वाजता सुमारास आढळला आहे. या व्यक्तीची ओळख पटली नाही.
गुरुवारी सकाळी ९ वाजण्याच्या सुमारास लातूर फाटा येथील पुलाजवळ एक व्यक्ती बेशुद्ध अवस्थेत असल्याची माहिती ग्रामीण पोलिसांना मिळाली. पोलिसांनी त्या ठिकाणी जाऊन या व्यक्तीला तातडीने सरकारी दवाखान्यामध्ये दाखल केले. डॉक्टरांनी त्याला तपासून मृत असल्याचे सांगितले. साधारणतः ४५ ते ५० वर्ष वयाचा हा व्यक्ती असून, त्याची उंची १६५ सेंटीमीटर आहे. सावळ्या रंगाच्या या व्यक्तीने काळसर रंगाची नाईट पॅन्ट घातलेली आहे. या व्यक्तीविषयी माहिती असल्यास नांदेड ग्रामीण पोलीस ठाण्याशी संपर्क साधावा, असे आवाहन पोलीस कर्मचारी एम.जे. माने यांनी केले आहे.