उमरी (नांदेड) : संपूर्ण तालुक्यात रविवारी (दि.१९ ) रात्रीपासून मुसळधार पावसाला सुरुवात झाली. आज सकाळपर्यंत तालुक्यात ६३ मीमी एवढ्या पावसाची नोंद झाली आहे .
या पावसामुळे तालुक्यातील छोट्या-मोठ्या नदी - नाल्यांना पूर आला आहे. ग्रामीण भागातील काही पुलावरून पाणी वाहत असल्याने या भागातील वाहतूक प्रभावित झाली.
रविवारी रात्रभर व सोमवारी सकाळपर्यंत मुसळधार पाऊस झाल्याने गोदावरी नदीतील पाण्यात वाढ झाली आहे. बळेगाव येथील गोदावरी नदीवरील बंधाऱ्यांचे सहा दरवाजे उघडण्यात आले आहेत.