बार चालकाला महिलांनी पिटाळले

कौठा परिसरात नव्याने सुरु करण्यात येणाऱ्या बारच्या विरोधात या परिसरातील नागरिकांनी आक्रमक पवित्रा घेत गुरुवारी बारच्या फलकाची तोडफोड केली होती़ त्यानंतर दिवसभर या बारला टाळेच होते़

नांदेड : कौठा परिसरात नव्याने सुरु करण्यात येणाऱ्या बारच्या विरोधात या परिसरातील नागरिकांनी आक्रमक पवित्रा घेत गुरुवारी बारच्या फलकाची तोडफोड केली होती़ त्यानंतर दिवसभर या बारला टाळेच होते़ शुक्रवारी सकाळी बारचालक पुन्हा या ठिकाणी आला असता, संतप्त महिलांनी या बारचालकाला पिटाळून लावत दिवसभर बारसमोरच ठिय्या दिला़जुना कौठा परिसरातील दत्तनगर भागात मुख्य रस्त्यावर बार सुरु करण्यात येत आहे़ बारचालकाने सुरुवातीला नागरिकांच्या संमतीसाठी या ठिकाणी हॉटेल टाकत असल्याचे सांगितले होते़ परंतु,त्यानंतर दुरुस्तीचे काम करीत बारच्या नावाची पाटी लागल्यावर या परिसरातील नागरिक अवाक् झाले़ या भागातील नगरसेवक राजू काळे, राजू गोरे यांच्यासह नागरिकांनी बारचालकाची भेट घेवून बार सुरु न करण्याची विनंती केली़ परंतु, ही विनंती धुडकावत गुरुवारी बार सुरु करण्याचा प्रयत्न केला़ त्यानंतर शुक्रवारी बारचालकाला महिलांनी पिटाळून लावले़