नाराज शिवसैनिकांचा हिंगोलीत तळ

लोकसभा निवडणुकीत भाजपाने आ़ प्रताप पाटील चिखलीकर यांना दिलेल्या उमेदवारीवरुन शिवसेना पदाधिकाऱ्यांची असलेली नाराजी दूर करण्यात अद्यापही सेनेच्या नेत्यांना यश आलेले नाही.

ठळक मुद्देसंपर्कप्रमुखांची मध्यस्थी निष्फळदिलजमाईच्या बाणाचा नेम चुकला

शिवराज बिचेवार।नांदेड : लोकसभा निवडणुकीत भाजपाने आ़ प्रताप पाटील चिखलीकर यांना दिलेल्या उमेदवारीवरुन शिवसेना पदाधिकाऱ्यांची असलेली नाराजी दूर करण्यात अद्यापही सेनेच्या नेत्यांना यश आलेले नाही. दोन दिवसांपूर्वी नाराजांच्या दिलजमाईसाठी माजी आख़ेडकर यांच्या निवासस्थानी संपर्कप्रमुख आनंद जाधव यांनी बैठकही घेतली होती़ परंतु, त्या बैठकीनंतरही नाराज शिवसेना पदाधिकारी नांदेडात प्रचारात सक्रिय न होता हिंगोली मतदारसंघात फिरत आहेत़ त्यामुळे संपर्कप्रमुखांनी दिलजमाईसाठी चालविलेल्या बाणाचा नेम चुकल्याचे म्हटले जात आहे़महापालिका निवडणुकीत सेनेचे आ़प्रताप पाटील चिखलीकर यांनी भाजपाच्या व्यासपीठावरुन सेना पदाधिकाऱ्यांच्या विरोधात शब्दबाण चालविले होते़ त्यावेळी चिखलीकरांनी आपला ‘प्रताप’ दाखवित सेनेच्या जिल्हाप्रमुखासह अनेकांना फोडत भाजपाच्या तंबूत आणले होते़ चिखलीकरांच्या या फोडाफोडीच्या राजकारणामुळे मनपात दोन्ही पक्षांना याचा फटका बसला़ परंतु, चिखलीकरांच्या भूमिकेमुळे जिल्ह्यातील सेना पदाधिकाऱ्यांच्या मनावर मात्र खोलवर जखम झाली़त्यात भाजपाने लोकसभेसाठी चिखलीकर यांच्या नावाची घोषणा करताच सेना पदाधिकाºयांनी यास विरोध करण्यास सुरुवात केली़ सेना पदाधिका-यांनी त्यापूर्वीच उमेदवार घोषित करताना भाजपाने आम्हाला विश्वासात घ्यावे, अन्यथा गंभीर परिणाम होतील असा इशारा दिला होता़ परंतु या इशाºयाकडे भाजपाने कानाडोळा केला़त्यानंतर शहरप्रमुख पप्पू जाधव यांच्या निवासस्थानी झालेल्या बैठकीत सेना पदाधिकारी चिखलीकरांचा प्रचार करणार नसल्याचा एकमुखी निर्णय घेण्यात आला़ त्यामुळे भाजपाची डोकेदुखी वाढली होती़ त्यानंतर दिलजमाईसाठी दोन दिवसांपूर्वी सेनेचे दिवंगत माजी आ़ प्रकाश खेडकर यांच्या निवासस्थानी जिल्ह्यातील शिवसैनिकांची बैठक आयोजित करण्यात आली होती़ या बैठकीत सेना पदाधिका-यांनी संपर्कप्रमुख आनंद जाधव यांच्यासमोर चिखलीकरांच्या प्रतापाचा पाढा वाचला़ परंतु संपर्कप्रमुखांनी मात्र मातोश्रीवरुन आदेश आल्यामुळे आपल्या सर्वांना एकदिलाने कामाला लागावे लागेल असे आवाहन केले़या बैठकीला चिखलीकरांचीही उपस्थिती होती़ त्यानंतर नाराज सेना पदाधिकारी नांदेडात प्रचारासाठी सक्रिय होतील असा अंदाज बांधण्यात येत होता़ परंतु, नाराजांनी यामध्ये मध्यममार्ग काढत हिंगोली लोकसभा मतदारसंघात हेमंत पाटील यांच्या प्रचारास सुरुवात केली आहे़ दररोज नांदेडचे सेना पदाधिकारी पहाटेच हिंगोलीकडे रवाना होत आहेत़ त्यामुळे संपर्कप्रमुखांनी दिलजमाईसाठी केलेला प्रयत्न निष्फळ ठरल्याचे दिसून येत आहे़झालं गेलं गंगेला मिळालं-चिखलीकरमहापालिका निवडणुकीत जे झालं गेलं ते गंगेला मिळालं त्यावेळी दोन्ही पक्षांची युती नव्हती़ आता युती झाली आहे़ त्यामुळे शिवसैनिक एकदिलाने काम करुन महायुतीचा धर्म पाळतील असा विश्वास मला आहे़ अशी प्रतिक्रिया बैठकीनंतर आ़ प्रताप पाटील चिखलीकर यांनी दिली़