नांदेड- दारुच्या व्यसनामुळे पती-पत्नीत होणाऱ्या भांडणाचे पर्यावसान दोघांचाही जीव जाण्यात झाले. नायगांव तालुक्यातील नरंगल येथे घडली. पतीने पत्नीचा खून केल्यानंतर स्वत : ही गळफास घेतला. ही घटना शुक्रवारी सकाळी घडली.
नरंगल येथील शेतकरी असलेले मुकींदा भूजंगराव पट्टेकर (५५) यांना दारुचे व्यसन होते. शेतातील काम आणि दारुमुळे अनेकवेळा त्यांच्या कुरबुरी होत होत्या. मुकींदा हे शेतावर जागलीसाठी असलेल्या शेतात जनावरे होती. ११ जून रोजी रेणुका पट्टेवार ही त्यांची पत्नी सकाळी दूध आणण्यासाठी शेतात गेली होती. त्याचवेळी मुकींदाही त्यांच्या पाठीमागे शेतात गेला. मुकींदाने रेणुकाबाई यांच्या डोक्यात दगड घालून खून केला. यानंतर घटनास्थळापासून एक किमी अंतरावर मुकींदा यांनीही गळफास घेवून आत्महत्या केली.
घटनेची माहिती मिळताच नायगावचे पोनि. आर.एस.पडवळ यांनी घटनास्थळाला भेट दिली. शवविच्छेदनासाठी मृतदेह रुग्णालयात पाठविण्यात आले. घटनेमागील नेमके कारण मात्र अद्याप स्पष्ट झाले नाही. मयत मुकींदा आणि रेणुका यांना चार मुले आहेत. त्यातील तिघेजण हे कामानिमित्त पुण्यात राहतात. शुक्रवारी सकाळी पती-पत्नीत वाद झाला होता. त्यातूनच ही घटना घडल्याचा अंदाज पोलिसांनी वर्तविला.