नागपूर : कळमेश्वर रोडवरील फेटरी गावाजवळील एका ओयो हॉटेलमध्ये तरुणीची निर्घृण हत्या झाल्याची धक्कादायक घटना उघडकीस आली आहे. ही घटना गुरुवारी दुपारी अडीच ते साडे तीनच्या दरम्यान घडल्याचे प्राथमिक तपासात स्पष्ट झाले असून, या प्रकारामुळे परिसरात एकच खळबळ उडाली आहे.
मिळालेल्या माहितीनुसार, आरोपी युवक आणि मृत तरुणी दोघेही ओयो हॉटेलमध्ये चेक इन करून एका खोलीत गेले होते. काही वेळानंतर दोघांमध्ये कोणत्यातरी कारणावरून वाद झाला. वाद वाढत असल्याचे लक्षात येताच हॉटेलमधील रिसेप्शनिस्टने हस्तक्षेप करून दोघांना समजावले. यावेळी युवकाने पुढे कोणताही वाद होणार नाही, असे आश्वासन दिल्याने परिस्थिती तात्पुरती शांत झाली.
मात्र, काही वेळानंतर आरोपी युवकाने पुन्हा तरुणीशी वाद घालत तिच्या गळ्यावर चाकूने वार केला. या हल्ल्यात तरुणी गंभीर जखमी झाली आणि प्रचंड रक्तस्रावामुळे तिचा जागीच मृत्यू झाला. वारदात केल्यानंतर आरोपी युवकाने पहिल्या मजल्यावरून उडी मारत घटनास्थळावरून पलायन केल्याची माहिती पोलिसांना मिळाली आहे.
घटनेची माहिती मिळताच नागपूर पोलीस तात्काळ घटनास्थळी दाखल झाले. हॉटेल परिसराला घेराव घालून पंचनामा करण्यात आला असून, मृतदेह उत्तरीय तपासणीसाठी पाठवण्यात आला आहे. या प्रकरणी हत्येचा गुन्हा दाखल करण्यात आला असून, आरोपीचा शोध घेण्यासाठी विशेष पथके रवाना करण्यात आली आहेत.
प्राथमिक तपासात ही हत्या प्रेमप्रकरणातून झाल्याचा संशय व्यक्त करण्यात येत आहे. घटनेनंतर नागपूर शहरात भीतीचे वातावरण पसरले असून, पोलिस सर्व बाजूंनी तपास करत असल्याची माहिती समोर आली आहे.
Web Summary : A young woman was brutally murdered in an OYO hotel near Nagpur. The suspect, after an argument, stabbed her and fled. Police are investigating a potential love affair motive and have launched a manhunt.
Web Summary : नागपुर के पास एक ओयो होटल में एक युवती की निर्मम हत्या कर दी गई। बहस के बाद संदिग्ध ने उसे चाकू मारा और भाग गया। पुलिस प्रेम प्रसंग के motive की जांच कर रही है और तलाश शुरू कर दी है।