योगेश पांडेलोकमत न्यूज नेटवर्कनागपूर : सबकुछ ऑनलाईनच्या जमान्यात सायबर गुन्हेगारी डोकेदुखी बनू लागली आहे. इतर मोठ्या शहरांसोबतच उपराजधानीतदेखील सायबर गुन्ह्यांची संख्या वाढीस लागली आहे. विशेष म्हणजे सर्वाधिक गुन्हे हे फसवणुकीचे होत असल्याचे दिसून आले. दुर्दैवाची बाब म्हणजे या प्रकरणांची चौकशी संथ गतीने होत असल्याचे चित्र असून २०१९ साली नागपूरच्या प्रलंबित प्रकरणांची टक्केवारी ही राज्यात सर्वाधिक होतीएनसीआरबीच्या आकडेवारीतून ही बाब समोर आली आहे. २०१९ साली नागपुरात सायबर गुन्ह्यांचे ११९ गुन्हे दाखल झाले. यातील तब्बल ६६ गुन्हे हे फसवणुकीचे होते, तर २४ गुन्हे महिलांची छळवणूक करण्याचे होते. सोबतच घोटाळ्याच्या १० गुन्ह्यांची नोंद झाली. विविध गुन्ह्यांसाठी एका महिलेसह एकूण ५६ जणांना अटक करण्यात आली.लैंगिक छळवणुकीमुळे २४ गुन्हेविविध कारणांमुळे संताप आल्याने सायबर क्राईमचे १० गुन्हे घडले. तर महिला व मुलींची लैंगिक छळवणूक करण्याचा उद्देश असलेले २४ गुन्हे दाखल झाले. ६८ प्रकरणांत आरोपींचा उद्देश हा केवळ घोटाळा करणे हाच होता.चौकशीचा वेग संथचपोलिसांकडून चौकशीसाठी २०१९ मधील ११९ तर अगोदरची २४३ प्रकरणे होती. यातील ५३ प्रकरणांतच चौकशी पूर्ण होऊ शकली तर वर्षाअखेरीस ३०९ प्रकरणांत चौकशी प्रलंबित होती. चौकशी प्रलंबित असण्याची टक्केवारी ८५.४ टक्के इतकी होती. ही टक्केवारी राज्यात सर्वात जास्त ठरली. मुंबईचा आकडा ८२.९ टक्के तर पुण्याची टक्केवारी ६७.५ टक्के इतकी होती.दोषसिद्धीचे प्रमाण शून्यन्यायालयात सायबर क्राईमचे ४२ खटले दाखल करण्यात आले. या कालावधीत जुन्या तसेच तत्कालीन दाखल अशा १७८ खटल्यांवर सुनावणी झाली. यात एकालाही शिक्षा झाली नाही तर ३ प्रकरणांतील आरोपींची निर्दोष मुक्तता करण्यात आली. वर्षाअखेरीस १७५ प्रकरणांची सुनावणी प्रलंबित होती व दोषसिद्धीचा दर शून्य इतका होता.