ठळक मुद्देनागपूर : सत्र न्यायालयाने सुनावली शिक्षा
लोकमत न्यूज नेटवर्कनागपूर : सत्र न्यायालयाने विद्यार्थिनीचा विनयभंग करणाऱ्या दोन आरोपींना प्रत्येकी एक वर्ष कारावास व ४०० रुपये दंडाची शिक्षा सुनावली. न्यायाधिश एस. टी. भालेराव यांनी बुधवारी हा निर्णय दिला.कैलाश यादव खांडे (३०) व स्वप्निल रामा नाईक (२६ ) अशी आरोपींची नावे आहेत. खांडे हा बहादुरा तर, नाईक ठोंबरा येथील रहिवासी आहे. ही घटना ५ एप्रिल २०१३ रोजी घडली होती. इयत्ता अकरावीतील विद्यार्थिनी परीक्षा देऊन घरी परतत होती. तिच्यासोबत मैत्रिणी होत्या. दरम्यान, आरोपींनी तिच्याशी अश्लील शब्दांत संवाद साधला व अश्लील हावभाव केले. त्याचवेळी परिसरातील नागरिकांनी आरोपींना पकडून पोलिसांच्या स्वाधीन केले होते. सरकारतर्फे अॅड. मदन सेनाड यांनी बाजू मांडली.