लाेकमत न्यूज नेटवर्क
उमरेड : गिरड येथील दर्ग्यात दर्शन घेऊन नागपूरला परत येत असलेल्या भाविकांच्या ऑटाेला टिप्परने जाेरात धडक दिली. त्यात तिघांचा घटनास्थळीच मृत्यू झाला, तर तिघे गंभीर जखमी झाले. जखमींमध्ये दाेनवर्षीय बालिकेचा समावेश आहे. ही घटना उमरेड पाेलीस ठाण्याच्या हद्दीतील उमरेड-गिरड मार्गावरील धुरखेडा शिवारात रविवारीसायंकाळी ६.१५ च्या सुमारास घडली.
मृतांमध्ये ऑटाेचालक मोहम्मद शाकीर शेख अब्दुल कादीर (वय ४२), अब्दुल कादीर अब्दुल करीम (५५) आणि जुबिया अली इमरान अली (२५) या तिघांचा समावेश असून, यास्मीन शेख ताहीर शेख (३५), जोया शेख ताहीर शेख (१२) आणि जुनेरा अली इमरान अली (२) अशी जखमींची नावे आहेत. हे सर्वजण शांतीनगर, नागपूर येथील रहिवासी आहेत. मोहम्मद शाकीर शेख हे त्यांच्या कुटुंबीयांसह दाेन वेगवेगळ्या ऑटाेने गिरड येथील दर्ग्यात दर्शनासाठी गेले होते.
दर्शन आटाेपल्यानंतर ते ऑटाेनेच परत येत हाेते. दरम्यान, धुरखेडा शिवारात त्यांच्या ऑटाे (एमएच-४९/एआर-५०५२)ला विरुद्ध दिशेने भरधाव येणाऱ्या टिप्पर (एमएच-१५/जीव्ही-७४६७)ने जाेरात धडक दिली. धडक लागलाच ऑटाेचा चक्काचूर हाेऊन काही अंतरावर फेकली गेली. यात तिघांचा घटनास्थळीच मृत्यू झाला तर तिघे गंभीर जखमी झाले. माहिती मिळताच पाेलिसांनी घटनास्थळ गाठले. त्यांनी तरुणांच्या मदतीने जखमींना उपचारासाठी, तर मृतदेह उत्तरीय तपासणीसाठी उमरेड येथील ग्रामीण रुग्णालयात आणले. जखमींवर प्रथमाेचार करून नागपूर येथील मेडिकल हाॅस्पिटलमध्ये भरती करण्यात आले. उशिरापर्यंत गुन्हा नाेंदविण्याची प्रक्रिया सुरू हाेती.
...
मदत मिळण्यास विलंब
ताहीर अहमद शेख हाजी अब्दुल (३९), रज्जाक अली वाजिद अली (५०), नसरीन बानो रज्जाक अली (५०) व जिशान अली रज्जाक अली (२४) सर्व रा. शांतीनगर, नागपूर हे एमएच-४९/एआर-२५४१ क्रमांकाच्या ऑटाेमध्ये हाेते. ते पुढे आल्याने या अपघाताची माहिती त्यांना उमरेड शहरात पाेहाेचल्यानंतर काही वेळाने कळली. त्यामुळे सर्वजण अस्वस्थ झाले हाेते. शिवाय, जखमींना तातडीने मदत मिळाली नाही.