नागपूर : घराला कुलुप लाऊन कुटुंबासह सासुरवाडीला गेलेल्या व्यक्तीच्या घरातील सोन्या-चांदीचे दागिने व रोख २५ हजार रुपये अज्ञात आरोपीने चोरून नेला. ही घटना कळमना पोलिस ठाण्याच्या हद्दीत २४ जुलै ते ४ ऑगस्ट दरम्यान घडली.
मो. जावेद मो. हासीम (वय ३०, रा. माया रणदिवे यांच्या घरी, वांजरा ले आऊट, न्यु लक्ष्मीनगर) हे आपल्या घराच्या मुख्य दाराला कुलुप लाऊन कुटुंबासह नरखेड येथे सासुरवाडीला गेले होते. अज्ञात आरोपीने त्यांच्या घराचे कुलुप तोडून घरातील सोन्या-चांदीचे दागिने व रोख २५ हजार असा एकुण ६२ हजाराचा मुद्देमाल चोरून नेला. मो. जावेद यांनी दिलेल्या तक्रारीवरून कळमना पोलिसांनी अज्ञात आरोपीविरुद्ध कलम ४५४, ४५७, ३८० नुसार गुन्हा दाखल करून आरोपीचा शोध सुरु केला आहे.