नागपूर: नाशिक जिल्ह्यातील बागलाण तालुक्याला कायमस्वरुपी तहसीलदार द्यावा या मागणीसाठी काँग्रेसच्या महिला आमदार दिपिका चव्हाण, अनिता चव्हाण, संध्याताई तुपेकर, ज्योती कलानी यांनी विधानभवनाच्या पाय-यांवर शुक्रवारी सकाळी घोषणाबाजी करीत आंदोलन केले.
आठ दिवसांत तहसीलदार दिला नाहीतर गावकºयांसह आंदोलन केले जाईल असा इशारा दिपिका चव्हाण यांनी दिला. गेल्या दीड वर्षापासून बागलाण विधानसभा मतदारसंघाला कायमस्वरुपी तहसीलदार नसल्यामुळे ग्रामीण जनतेला अडचणींचा सामना करावा लागत आहे. हा आदिवासी बहुल तालुका असल्यामुळे १७१ ग्रामपंचायतींचा कारभार या तालुक्याच्या माध्यमातून चालतो. यासंदर्भात मुख्यमंत्री देवेंद्र फडणवीस व पालकमंत्री गिरीश महाजन यांना निवेदन दिले आहे. परंतु अद्यापही कोणती कारवाई करण्यात आली नसल्याची माहिती आमदारांनी यावेळी दिली.