राज्याचे पोलीस महासंचालक नागपुरात 

राज्याचे पोलीस महासंचालक हेमंत नगराळे आज रात्री नागपुरात येत आहेत.

नागपूर : राज्याचे पोलीस महासंचालक हेमंत नगराळे आज रात्री नागपुरात येत आहेत. गुरुवारी सकाळी ते पोलीस जिमखान्यात शहरातील वरिष्ठ पोलिस अधिकाऱ्यांची बैठक घेतील आणि नागपुरातील कायदा व सुव्यवस्थेची स्थिती जाणून घेतील. दुपारी नागपूर परिक्षेत्रातील वरिष्ठ पोलीस अधिकाऱ्यांची बैठक घेऊन प्रत्येक जिल्ह्यातील परिस्थितीचा आढावा घेतील. त्याचप्रमाणे संबंधित अधिकाऱ्यांच्या काय अडचणी आहे ते सुद्धा ती जाणून घेतील.