लाेकमत न्यूज नेटवर्क
नांद : वेकाेलिच्या गाेकूल खाणीत काेळसा काढण्यासाठी अधिक क्षमतेचे स्फाेट घडवून आणले जात असून, या स्फाेटांमुळे उडणारे दगड चक्क पिरावा गावात येऊन पडतात. मागच्या आठवड्यात अशाच एका दगडाने बैल जखमी झाला हाेता. आंदाेलनानंतर असा प्रकार घडणार नाही, अशी ग्वाही वेकाेलिच्या अधिकाऱ्यांनी शेतकऱ्यांना दिल्यानंतरही शुक्रवारी (दि. १८) सायंकाळी स्फाेटामुळे उडालेले दगड घरांवर पडले आणि कवेलू फुटल्याने नागरिकांचे नुकसान झाले.
गाेकूल या ओपन कास्ट माईनमध्ये राेज अधिक तीव्रतेचे स्फाेट घडवून आणले जातात. या स्फाेटांमुळे जमिनीला प्रचंड हादरे बसत असल्याने लहानग्यांपासून तर माेठ्यांपर्यत सर्व दहशतीत जगत आहेत. आठवडाभरापूर्वी स्फाेटामुळे उडालेला दगड लागल्याने दाेन बैल जखमी झाले हाेते. त्यामुळे शेतकऱ्यांनी वेकाेलिच्या प्रवेशद्वाराजवळ आंदाेलन केले. असे स्फाेट यापुढे घडवून आणले जाणार नाही, असे लेखी आश्वासन वेकाेलिच्या अधिकाऱ्यांनी दिल्याने आंदाेलन मागे घेण्यात आले हाेते.
दरम्यान, शुक्रवारी सायंकाळी स्फाेटामुळे उडालेले दगड नरेश गणपत पडोळे रा. पिरावा, ता. भिवापूर यांच्या घरावर पडल्याने कवेलू फुटले. ते याच खाणीत नाेकरी करीत असून, उमरेड शहरात राहायला गेले. त्यांनी पिरावा येथील घर किरायाने दिले आहे. दगड पडला त्यावेळी घरी कुणीही नव्हते. मात्र, कवेलू फुटल्याने नुकसान झाले. वेकाेलि प्रशासन नागरिकांना वारंवार आश्वासने देऊन शांत करते तर दुसरीकडे त्यांना सतत त्रास देते. पिरावावासीयांचे राेज हाेणारे हाल व वेकाेलिची प्रशासनाची दादागिरी स्थानिक लाेकप्रतिनिधी व प्रशासनाला माहिती आहे. मात्र, ते हा तमाशा बघण्यात ते धन्यता मानत आहेत.
...
सरपंचाला धमकावले
लेखी आश्वासन दिल्यानंतर स्फाेटामुळे उडालेले दगड घरावर कसे आले, याबाबत विचारणा करण्यासाठी पिरावा येथील सरपंच, उपसरपंच व नागरिक वेकाेलि कार्यालयात गेले हाेते. मात्र, येथील सुरक्षा रक्षकांसह अधिकाऱ्यांनी त्यांना असभ्य वागणूक दिली. तुम्ही ऑफीसमध्ये कसे आले, हे काेराेना उपाययाेजनांचे उल्लंघन आहे, असे धमकावत त्यांची कैफियतसुद्धा ऐकून घेतली नाही.
...
तो दगड आमचा नाही
घरावर आलेला दगड आमचा म्हणजेेच स्फाेटाचा नाही असे सांगत वेकाेलि अधिकाऱ्यांनी या नुकसानीची नैतिक जबाबदारी स्वीकारण्यास स्पष्ट नकार दिला. त्यामुळे त्यांनी नुकसानीचा पंचनामाही केला नाही. त्यातच स्थानिकांनी शनिवारपासून पुन्हा आंदाेलन करण्याची तयार सुरू केली आहे.
...
आत जा, घरावर दगड येतील
स्फाेटापूर्वी एक सुरक्षा रक्षक तिथे तैनात हाेता. त्याला एक वृद्ध महिला घराबाहेर दिसताच त्याने तिला स्फाेटाचे दगड घरावर येण्याची व आत जाण्याची सूचना केली हाेती, अशी माहिती त्या वृद्धेने दिली. या सुरक्षा रक्षकाची सूचना विचारात घेता, वेकाेलि अधिक तीव्रतेचा स्फाेट घडवून आणणार असल्याचे स्पष्ट हाेते.