लोकमत न्यूज नेटवर्कनागपूर/ वाडी : कामवासनेत आकंठ बुडालेल्या एका तरुणाने आपली वहिनी (वय २८) व चार वर्षीय चिमुकल्या पुतणीचा खून करून त्यांच्या मृतदेहावर बलात्कार केल्याची खळबळजनक घटना वाडी पोलीस ठाणे हद्दीतील वडधामनानजीकच्या सुराबर्डी (तकीया) येथे घडली. चंद्रशेखर भिंद (२६) असे नराधमाचे नाव असून, पोलिसांनी त्याला अटक केली आहे. खुनाची ही घटना बुधवारी दुपारी घडली.मृताचा पती हा ट्रक चालक आहे. तो मूळचा उत्तर प्रदेशातील भदोई, येथील रहिवासी असून, काही वर्षांपासून रोजगारानिमित्त नागपुरात आला. त्याने २००९ मध्ये प्रेमविवाह केला. ती मुस्लीमधर्मीय असून, तीसुद्धा उत्तर प्रदेशातील रहिवासी होती. २६ नोव्हेंबर रोजी तो ट्रक घेऊन जालन्याला रवाना झाला. पत्नी व मुलगी दोघे एकटेच घरी होते. चंद्रशेखर हा इंदोऱ्याला राहतो. त्याने डीफार्म केले आहे. शिक्षण पूर्ण करून तो एका औषधीच्या दुकानात कामाला आहे. तो आपल्या एका मित्रासोबत भाड्याच्या खोेलीत राहतो. त्याला मोबाईलवर ‘ब्ल्यू फिल्म’ पाहण्याचे व्यसन आहे. त्यामुळे शारीरिक संबंध प्रस्थापित करण्याची इच्छा त्याच्या मनात सातत्याने असे. तो आपल्या मोठ्या भावाच्या घरीही येत-जात असे. यादरम्यान त्याची आपल्या वहिनीवर नजर गेली. भावाने आंतरधर्मीय विवाह केल्यानेही तो दुखावला होता. भाऊ बाहेर गेल्याची त्याला माहिती होती. त्यामुळे आपली कामवासना शमविण्यासाठी तो बुधवारी दुपारी आला व वहिनीसोबत बोलू लागला. त्याने वहिनीला मोबाईल मागितला. मोबाईल देताच त्याने बळजबरी सुरू केली. तिने विरोध करताच संतापून त्याने तिचा गळा आवळून खून केला. खून केल्यावर नराधमाने वहिनीच्या मृतदेहावरच बलात्कार केला. चंद्रशेखरला संशय होता की त्याची चार वर्षाची पुतणी त्याला ओळखते. ती आपला भेद उघडकीस आणू शकते. म्हणून त्या नराधमाने चार वर्षाच्या चिमुकली पुतणीचाही खून केला आणि तिच्या मृतदेहावरही पाशवी अत्याचार केला. हे दुष्कर्म केल्यानंतर तो तेथून फरार झाला.रात्री ८ वाजता शेजाऱ्यांची त्यांच्या घरावर नजर गेली. लाईट बंद होता. दरवाजा उघडला होता. मायलेकीची कुठलीही हालचाल किंवा आवाजही येत नसल्याने त्यांनी घरात जाऊन पाहिले तेव्हा आईचा मृतदेह पलंगावर तर चिमुकलीचा मृतदेह जमिनीवर पडून होता. शेजाऱ्यांनी लगेच वाडी पोलिसांना सूचना दिली. पोलिसांनी पतीला सूचना दिली. त्यावेळी तो जालन्यातील सिंदखेडजवळ होता. गुरुवारी सकाळीच तो नागपुरात पोहोचला.पोलिसांना सुरुवातीला पतीवरच संशय आला. परंतु तो जालन्याजवळ असल्याचे समजले तेव्हा पोलिसांनी आपल्या तपासाची दिशा बदलली. वस्तीतील संशयितांची विचारपूस केली. परंतु कुठलीही माहिती मिळाली नाही. खून जवळच्याच व्यक्तीने केला असावा, असा पोलिसांना संशय होताच. त्यांची चंद्रशेखरवर नजर गेली. पोलीस दुपारपासूनच चंद्रशेखरला विचारपूस करीत होते. सुरुवातीला त्याने नकार दिला, परंतु पोलिसी खाक्या दाखवताच त्याने खून आणि बलात्कार केल्याची कबुली दिली. त्याच्या गोष्टी ऐकून पोलिसही हादरून गेले.सोशल मीडियाचे व्यसनचंद्रशेखरला यू-ट्यूबवर ‘ब्ल्यू फिल्म’ पाहण्याचे व्यसन होते. तो दिवसभर ‘ब्ल्यू फिल्म’ पाहत असे. त्यामुळे त्याच्या मनात नेहमीच कामवासना राहायची. नराधम चंद्रशेखरने सांगितल्यानुसार, वहिनीचा खून केल्यानंतरही त्याला केवळ शारीरिक भूक कशी मिटवू हेच सूचत होते. ही घटना म्हणजे सोशल मीडियाच्या दुष्परिणामाचे ज्वलंत उदाहरण आहे.