वरोरा येथील घटना: प्रियकर गजाआडवरोरा: विवाहित महिलेसोबत एका युवकाचे प्रेमसंबंध जुळले. ती महिला गर्भवती राहिली. दोघांमध्ये कडाक्याचे भांडण झाले. प्रियकराने तिला मारहाण केली. यामुळे व्यथित झालेल्या विवाहित महिलेने अंगावर रॉकेल ओतून जाळून घेतले. उपचारादरम्यान तिचा मृत्यू झाला. मृत महिला तीन महिन्यांची गर्भवती असल्याची माहिती पोलीस सूत्रांनी दिली. पोलिसांनी प्रियकरास अटक केली आहे.मृत महिलेचे नाव सुमित्रा भोजराज कोहाड (३४) रा. मालवीय वार्ड वरोरा आहे. सुमित्राचा विवाह १२ वर्षांपूर्वी नागपूर येथील युवकाशी झाला. विवाहाच्या दोन महिन्यानंतर सुमित्राचा पती अचानक निघून गेला. तिला एक मुलगा आहे. पती सोडून गेल्याने सुमित्रा आपल्या मुलासह वरोरा येथील आपल्या माहेरी राहावयास आली. त्यानंतर ती एका हॉटेलमध्ये कामावर जात होती. त्यावेळी राहुल बापुराव घुडे (२२) रा. बोर्डा ता. वरोरा हा युवकही तेथेच काम करीत होता. एकाच हॉटेलमध्ये असल्यामुळे दोघांंची ओळख झाली. ओळखीचे रुपांतर प्रेमात झाले. १३ जून रोजी राहुल सुमित्राच्या घरी आला. दोघात कडाक्याचे भांंडण झाले. त्यात राहुलने सुमित्राला मारहाण केल्याची माहिती सूत्रांनी दिली. राहुल निघून गेल्यानंतर सुमित्राने अंगावर रॉकेल घेऊन घरातच जाळून घेतले. सुमित्राला उपचारार्थ उपजिल्हा रुग्णालयात दाखल केले असता तिचा मृत्यू झाला. सुमित्रा तीन महिन्यांची गर्र्भवती होती. सुमित्राच्या आत्महत्येस जबाबदार असल्याने राहुल घुडेविरुध्द कलम ३०६, ४५१, ३२३, ५०४ अन्वये गुन्हा नोंदवून त्याला अटक करण्यात आली. मृत महिलेच्या गर्भाची तपासणी करण्याकरिता तसेच आरोपीच्या रक्ताच्या नमुन्याची तपासणी करण्याकरिता नागपूर येथील प्रयोगशाळेत पाठविण्यात येणार असल्याची माहिती तपास अधिकाऱ्यांनी दिली. पुढील तपास पोलीस निरीक्षक मल्लिकार्जून इंगळे यांच्या मार्गदर्शनात सहाय्यक पोलीस निरीक्षक गाढे करीत आहेत. (तालुका प्रतिनिधी)
प्रियकराच्या मारहाणीने गर्भवतीची आत्महत्या
By admin | Updated: June 15, 2014 00:34 IST