नागपूर : दीराने जुन्या भांडणाच्या कारणावरून आपल्या वहिणीचा गळा आवळून तिच्यावर कटरने वार केल्याची घटना कोतवाली पोलिस ठाण्याच्या हद्दीत शुक्रवारी ९ जूनला सायंकाळी सात वाजताच्या सुमारास घडली असून पोलिसांनी आरोपी दीराला अटक केली आहे.
सरफराज उर्फतप्पी शेख बब्बु शेख (वय ३४, रा. बडी मस्जीदजवळ, हसनबाग) असे अटक करण्यात आलेल्या आरोपी दिराचे नाव आहे. हिना शेख सादिक (वय ३०, रा. भुतिया दरवाजा, दसरा रोड, तुळशीबाग) असे जखमी झालेल्या महिलेने नाव आहे. आरोपी सरफराजने जुन्या घरगुती भांडणातून हिना यांच्या घरी येऊन भांडण केली. आरोपीने पांढऱ्या रंगाच्या कटरने हिनाच्या गालावर मारून तिला जखमी केले. त्यानंतर लाल रंगाचा दुपट्टा आवळून त्यांना जीवे मारण्याचा प्रयत्न केला. जखमी हिनाला उपचारासाठी मेयो रुग्णालयात दाखल करण्यात आले आहे. कोतवालीचे उपनिरीक्षक सोनपराते यांनी आरोपीविरुद्ध कलम ३०७, ४५२ नुसार गुन्हा दाखल करून त्यास अटक केली आहे.