महाराष्ट्र एक्स्प्रेस, इतवारी-रिवात दोन अतिरिक्त स्लिपर कोच

नागपूर : रेल्वे प्रशासनाने प्रवाशांच्या सुविधेसाठी आणि त्यांना कन्फर्म बर्थ उपलब्ध करून देण्यासाठी दक्षिण पूर्व मध्य रेल्वेतून जाणाऱ्या महाराष्ट्र एक्स्प्रेस आणि इतवारी-रिवा-इतवारी एक्स्प्रेसमध्ये दोन अतिरिक्त स्लिपर कोच उपलब्ध करून देण्याचा निर्णय घेतला आहे. रेल्वे प्रशासनाने घेतलेल्या निर्णयानुसार रेल्वेगाडी क्रमांक ०१०३९ कोल्हापूर-गोंदिया-कोल्हापूरमध्ये २२ जूनपासून ३० जून २०२१ पर्यंत तसेच रेल्वेगाडी क्रमांक ०१०४० गोंदिया-कोल्हापूर महाराष्ट्र एक्स्प्रेसमध्ये २४ जून ते २ जुलैपर्यंत दोन अतिरिक्त कोच उपलब्ध राहणार आहेत. तसेच रेल्वेगाडी क्रमांक ०१७५४ रिवा-इतवारी एक्स्प्रेसमध्ये २६ जून आणि रेल्वेगाडी क्रमांक ०१७५३ इतवारी-रिवा एक्स्प्रेसमध्ये २७ जून रोजी दोन अतिरिक्त स्लिपर क्लास कोच उपलब्ध करून देण्यात येत आहेत. यामुळे सामान्य कोचमध्ये प्रवास करणाऱ्या बहुतांश प्रवाशांना या अतिरिक्त कोचचा लाभ होणार आहे.

..............