नागपूर : शहरातून वाहणाऱ्या नाल्यांचे पाणी व्यर्थ वाहण्यापेक्षा त्याद्वारे उद्यानाचे सिंचन करण्यासह इतर कामात उपयाेगात आणण्याची याेजना महापालिकेने तयार केली आहे. उद्यानाजवळून जाणाऱ्या नाल्यांवर लहान सिवरेज ट्रीटमेंट प्लॅन्ट तयार करण्यात येतील. पहिल्या टप्प्यात १२ उद्यानांजवळ हा उपक्रम राबविण्यात येईल. मनपाच्या स्थायी समितीच्या येत्या बैठकीत प्रशासकीय मंजुरीसाठी हा प्रस्ताव ठेवला जाणार आहे.
मिळालेल्या माहितीनुसार १२ एसटीपीच्या निर्मितीवर १.१२ काेटी रुपये खर्चाचा अंदाज आहे. शिवाय दरवर्षी एसटीपीच्या संचालनावर ९० लाख रुपये खर्च हाेतील. सार्वजनिक आराेग्य अभियांत्रिकी विभागातर्फे हा प्रस्ताव तयार करण्यात आला आहे. या प्रस्तावानुसार एसटीपीच्या पाण्याचा उपयाेग उद्यानात करण्यासह शहरातील प्रसाधनगृह, बांधकाम विभागाद्वारे सुरू रस्त्याच्या कामांसह विविध उपक्रमात नाॅन पाेर्टेबल वाॅटर म्हणून उपयाेगात आणले जाणार आहे. यामुळे भूजलाचा उपयाेग कमी हाेईल आणि व्यर्थ वाया जाणाऱ्या ०.१०५ मिलियन लिटर पाण्याचा उपयाेग हाेईल. यामुळे महापालिकेला वर्षाला २.६० लाख रुपयाची कमाई हाेणे अपेक्षित आहे.
उल्लेखनीय म्हणजे नाल्याचे पाणी उपयाेगात आणण्याची याेजना अनेक वर्षापूर्वी तयार करण्यात येत हाेती. मात्र यामध्ये खर्च अधिक आणि कमाई नगण्य आहे. त्यामुळेच एसटीपी याेजनेचे क्रियान्वयन झाले नाही. जे तयार आहेत तेही देखरेखीअभावी खराब हाेत आहेत. दुसरीकडे मनपाची आर्थिक स्थिती दयनीय आहे. त्यामुळे प्रस्तावावर अंमलबजावणी हाेणार की नाही हा प्रश्नच आहे.
ट्रॅफिक सिग्नल नादुरुस्त, तरीही वाढीव कामाला मंजुरी
शहराच्या चाैकातील ट्रॅफिक सिग्नलच्या देखभाल दुरुस्तीचे काम डेकोफर्न कन्स्ट्रक्शन या कंपनीला देण्यात आले आहे. १५ जुलै २०२० ला दिलेल्या कार्यादेशाची मुदत संपली आहे. असे असताना सत्तापक्षाशी जवळीक असल्याने डेकोफर्न कंपनीला प्रस्तावित दरापेक्षा १५.३ टक्के दराने ६ महिन्याची मुदत वाढवून देण्याचा निर्णय घेण्यात आला आहे. २४ लाख ९ हजार ४४० रुपयाचे काम देण्याची तयारी करण्यात आली आहे.