नागपूर : अ‍ॅफकॉन्स इन्फ्रास्ट्रक्चर्स व उपकंत्राटदारांनी मुरुम उत्खनन करताना सेलूच्या आजूबाजूच्या खेड्यांमधील रस्ते खोदून ठेवल्याने समाजजीवनही विस्कळीत होत आहे. कंत्राटदारांनी रस्तेच खोदल्यामुळे सेलूपासून ५ किलोमीटर अंतरावरील कोटंबा गावात गेल्या पाच दिवसांपासून एसटीची सेवा बंद झाली आहे. परिणामी, कोटंब्याचे सेलूला रोज शाळा-कॉलेजात जाणारे शेकडो विद्यार्थी हवालदिल झाले आहेत.
या विद्यार्थ्यांपैकी हायस्कूल व कॉलेजच्या काही विद्यार्थ्यांनी सायकल/मोटरसायकल/अथवा पायी शाळेत जाण्याचा पर्याय निवडला आहे. परंतु प्राथमिक शाळेचे विद्यार्थी मात्र गेल्या पाच दिवसापासून शाळेतच गेलेले नाहीत.लोकमतच्या चौकशीत नागपूर-मुंबई समृद्धी महामार्गाला लागणाऱ्या मुरुमाचे खोदकाम करण्यासाठी गावोगावच्या शेतकऱ्यांशी मुरुम खरेदीचे करार केले