High Court Verdict On Rape Case: "महिलेने स्वतःच्या सहमतीने ठेवलेल्या शरीरसंबंधाला बलात्कार म्हणू शकत नाही," असा निर्णय मुंबई उच्च न्यायालयाच्या नागपूर खंडपीठातील न्यायमूर्ती उर्मिला जोशी-फलके यांनी एका प्रकरणात देऊन प्रियकराला आरोपमुक्त करण्याचे निर्देश दिले.
नितीन ओमप्रकाश अग्रवाल, असे प्रियकराचे नाव असून, त्याच्याविरुद्ध अंबाझरी पोलिसांनी ११ नोव्हेंबर २०१३ रोजी बलात्काराच्या गुन्ह्याचा एफआयआर नोंदवला होता व सत्र न्यायालयात खटला दाखल केला होता. परिणामी, अग्रवालने उच्च न्यायालयात याचिका दाखल करून हा गुन्हा अवैध असल्याचा दावा केला आणि आरोपमुक्त करण्याची मागणी केली होती.
तक्रारकर्ती महिला विवाहित असून, तिला दोन मुले आहेत. पतीसोबत घटस्फोट झाल्यानंतर ती २०११ मध्ये अग्रवालच्या संपर्कात आली.
त्यांची मैत्री झाली आणि मैत्रीचे रूपांतर प्रेमात झाले. अग्रवालने लग्न करण्याची व दोन मुलांची काळजी घेण्याची ग्वाही देऊन वारंवार बलात्कार केला, असा आरोप महिलेने केला होता.
महिला समजदार, परिणामांची जाणीव
महिला बुद्धिमान व समजदार असून, अग्रवालसोबत ठेवलेल्या संबंधाचे काय परिणाम होतील, याची जाणीव तिला होती. ती दोन वर्षे अग्रवालसोबत होती. ती अग्रवालच्या खोट्या वचनामुळे प्रभावित झाल्याचे म्हणता येणार नाही, असेही न्यायालयाने हा निर्णय देताना नमूद केले.
Web Summary : Nagpur High Court acquitted a man accused of rape, stating consensual sex cannot be termed rape. The woman, a divorcee, alleged the boyfriend promised marriage but repeatedly raped her. The court noted her awareness of the relationship's consequences.
Web Summary : नागपुर हाईकोर्ट ने बलात्कार के आरोपी एक व्यक्ति को बरी करते हुए कहा कि सहमति से बने संबंध को बलात्कार नहीं कहा जा सकता। तलाकशुदा महिला ने आरोप लगाया कि बॉयफ्रेंड ने शादी का वादा किया लेकिन बार-बार बलात्कार किया। अदालत ने रिश्ते के परिणामों के बारे में उसकी जागरूकता पर ध्यान दिया।