नर्मदा गार्डन परिसराची स्वच्छता व सुशोभीकरण ()

नागपूर : काटाेल राेडवरील नर्मदा कॉलनी उद्यानात स्वच्छता मोहीम तसेच रंगरंगोटी करून सुशोभिकरणाचे काम करण्यात आले. सकाळी नर्मदा कॉलनी सोसायटीतील नागरिकांनी श्रमदान करून उद्यानातील कचरा साफ केला. त्यानंतर पाणी मारून भिंती स्वच्छ करण्यात आल्या. त्यानंतर आय-क्लिन, नागपूरच्या टीमने भिंतींवर रंगकाम करताना वारली चित्रकलेने सुशाेभिकरण केले. यावेळी आमदार विकास ठाकरे, नगरसेवक हरिश ग्वालबांशी, दीपक वानखेडे, नगरसेविका दर्शनी धवड यांनी भेट दिली. या श्रमदानात निरंजन दलाल, विश्वनाथ देशमुख, पंकज ढोले, नीलेश चौधरी, पंकज निंबाळकर, अजय यावलकर, रितेश कुलसंगे, आशिष काळे, प्रफुल्ल मानकर, प्रकाश काळे, राहुल कावरे, अजय कुहिटे, शैलेंद्र देशमुख, नीलेश मानकर, अरविंद बर्गी, कुणाल महल्ले, संतोष कांबळे, सुधीर वाळके, राष्ट्रपाल गौरखेडे, सुरज बुटोलिया, मिलिंद कडू, सागर देशमुख, संतोष श्रीवास्तव, हर्ष लोखंडे, प्रमोद वैद्य, संदीप चरडेे, आशिष करमरकर, अशोक गुल्हाने आदी सहभागी झाले होते.