चंद्रपूर : नागपूर पदवीधर मतदारसंघात नागपूर नंतर चंद्रपूर आहे. चंद्रपूर, गडचिरोली हे दोन्ही जिल्हे भाजपचा गड आहेत. पदवीधर मतदारसंघातील भाजपच्या विजयाचे शिल्पकार हे दोन्ही जिल्हे ठरतील, असा विश्वास माजी केंद्रीय गृहराज्यमंत्री हंसराज अहीर यांनी व्यक्त केला.
नागपूर विभाग पदवीधर मतदार संघातील भारतीय जनता पार्टी, रिपब्लिकन पार्टी ऑफ इंडिया (आठवले), बहुजन रिपब्लिकन एकता मंच, खोरिपचे अधिकृत उमेदवार संदीप जोशी यांच्या प्रचारार्थ चंद्रपूर जिल्ह्यातील सावली, गोंडपिपरी, पोंभुर्णा, गडचांदूर, राजुरा आदी ठिकाणी विजय संकल्प मेळावा घेण्यात आला. याप्रसंगी उमेदवार संदीप जोशी, भाजप जिल्ह्या अध्यक्ष देवराव भोंगळे, माजी आमदार सुदर्शन निमकर, बल्लारपूरचे नगराध्यक्ष हरीश शर्मा उपस्थित होते. अहीर यांनी प्रत्येक कार्यकर्त्याला किमान २० मतदारांपर्यंत पोहचून भाजपचा विजय सुनिश्चित करण्याचे आवाहन केले. विविध ठिकाणच्या मेळाव्याला खासदार अशोक नेते, माजी आमदार अतुल देशकर, बल्लारपूर नगराध्यक्ष हरीश शर्मा, सावली तालुका अध्यक्ष अविनाश पाल, जिल्हा महामंत्री नामदेव डाहुले, जि.प. सदस्य योगिता डबले, पं. स. सभापती अल्का आत्राम, समीर केणे, युवा मोर्चा अध्यक्ष आशिष देवतळे, जि.प. सदस्य संतोष तंगडपल्लीवर, पं. स.सदस्य रावजी बोलीवर, शहर अध्यक्ष आशिष कार्लेकर, सतीश बोम्मवार, माजी आमदार सुदर्शन निमकर, जिल्हा महामंत्री संजय गजपुरे, गोंडपिपरी तालुकाध्यक्ष बबन निकोडे, गणपती चौधरी, प्राचार्य निखाडे, दीपक सातपुते, गजानन गोरंटीवार, नीलेश संगमवार, नीलेश पुलगमकर आदी उपस्थित होते.
भाजपच्या विजयासाठी माजी अर्थमंत्री सुधीर मुनगंटीवार यांच्या नेतृत्वात सूक्ष्म नियोजन करण्यात आले आहे. प्रत्येक कार्यकर्ता मतदारांपर्यंत पोहचत आहे. चंद्रपूर जिल्ह्यात भाजपला भरघोस साथ मिळेल, असा विश्वास भाजपचे जिल्हाध्यक्ष देवराव भोंगळे यांनी दिला.