लाेकमत न्यूज नेटवर्क
खापा : पाेलिसांनी खापा नजीकच्या नंदापूर (ता. सावनेर) शिवारात गुरुवारी (दि. ४) रात्केरी ११ वाजताच्या सुमारास केलेल्या कारवाईमध्ये रेतीची विना राॅयल्टी वाहतूक करणारा ट्रक पकडला. यात पाेलिसांनी ट्रकचालकास ताब्यात घेतले असून, त्याच्याकडून एकूण १५ लाख १२ हजार रुपये किमतीचा मुद्देमाल जप्त केला.
आशिष बबन निकोसे (३५, रा. करजघाट, ता. सावनेर) ताब्यात घेतलेल्या ट्रकचालकाचे नाव आहे. खापा (ता. सावनेर) पाेलीस गस्तीवर असताना त्यांना नंदापूर शिवारातून रेतीची वाहतूक सुरू असल्याची माहिती मिळाली हाेती. त्यामुळे त्यांनी या भागाची पाहणी करीत एमएच-३६/एफ-२८४५ क्रमांकाचा ट्रक थांबवून झडती घेतली. त्या ट्रकमध्ये रेती आढळून येताच कागदपत्रांची तपासणी केली.
ही रेती विनाराॅयल्टी वाहून नेली जात असल्याचे चाैकशीत स्पष्ट हाेताच, पाेलिसांनी रेतीसह ट्रक जप्त केला आणि ट्रकचालक आशिष निकाेसे यास चाैकशीसाठी ताब्यात घेतले. या कारवाईमध्ये १५ लाख रुपयांचा ट्रक आणि १२ हजार रुपयांची रेती असा एकूण १५ लाख १२ हजार रुपये किमतीचा मुद्देमाल जप्त केला, अशी माहिती ठाणेदार अजय मानकर यांनी दिली. या प्रकरणी खापा पाेलिसांनी भादंवि ३७९, १०९ अन्वये गुन्हा नाेंदवून तपास सुरू केला आहे.