सोपान पांढरीपांडे ।लोकमत न्यूज नेटवर्कनागपूर : राज्याचे अर्थमंत्री सुधीर मुनगंटीवार यांनी केलेल्या जवळपास दोन तासाच्या भाषणात अनेक गमतीदार बाबी मांडल्या. त्यापैकी निवडक काही येथे देत आहोत.
- ६०९ बसस्थानकांच्या पुनर्बांधणीसाठी अर्थसंकल्पात ४० कोटी तरतूद आहे. एका बसस्थानकाच्या वाट्याला येतात ६५६८१ रुपये. एवढ्या रकमेत बांधकाम होणार?
- मिहान विमानतळासाठी अर्थसंकल्पात १०० कोटींची तरतूद आहे. प्रकल्प आहे १४०० कोटींचा. या गतीने प्रकल्प पूर्ण व्हायला लागतील आणखी १४ वर्षे.
- एक मेगावॅट सौर ऊर्जेसाठी गुंतवणूक लागते ४ कोटी. अर्थसंकल्पात सौर ऊर्जेचे लक्ष्य आहे ३०० मेगावॅट आणि तरतूद आहे ३७५ कोटी.
- संत्रा शेतकऱ्यांना अनुदानासाठी १५ कोटीची तरतूद आहे. संत्रा लागवड क्षेत्र आहे १,५०,००० हेक्टर. दर हेक्टरला अनुदान येते १०० रु. म्हणजे एकरी ४० रुपये.
- ओल्या कचऱ्यांवर प्रक्रिया होऊन कंपोस्ट खत तयार करण्यासाठी १३६ शहराची निवड. अनुदानाची रक्कम ५ कोटी म्हणजे शहरी ३,१२,५०० रुपये.
- ६,००,००० मुलींना केळी आणि अंडी असा सकस आहार देण्यासाठी १५ कोटी. प्रत्येक मुलीच्या वाट्याला येतात २५ रुपये.
- श्रीक्षेत्र रामटेकच्या विकासाचा प्रकल्प खर्च आहे १५० कोटी. तरतूद आहे २५ कोटी. प्रकल्प पूर्ण व्हायला लागणार सहा वर्षे.
- अर्थमंत्र्यांनी खर्च मर्यादित करण्याचा प्रयत्न करीन असे सांगत महसुली ४४०० कोटीवरून जवळजवळ चारपट म्हणजे १५,३७५ कोटी ठेवली आहे.