भरधाव ऑटाेची दुचाकीला धडक

बुटीबाेरी : भरधाव ऑटाेने विरुद्ध दिशेने येणाऱ्या माेटरसायकलला जाेरात धडक दिली. त्यात दुचाकीवरील दाेघे जखमी झाले. ही घटना बुटीबाेरी (ता. नागपूर ग्रामीण) पाेलीस ठाण्याच्या हद्दीतील शनी मंदिराजवळ शनिवारी (दि. १०) सकाळी ९.३० वाजताच्या सुमारास घडली.

जखमींची नावे कळू शकली नाही. जाकीर शकील खान (२९, रा. सातगाव-बुटीबाेरी, ता. नागपूर ग्रामीण) याचे वडील व काका एमएच-४०/एएफ-११४८ क्रमांकाच्या माेटरसायकलने हजरत बाबा दरगाह येथून बुटीबाेरीकडे येत हाेते. दरम्यान, या मार्गावरील शनी मंदिराजवळ विरुद्ध दिशेने वेगात जाणाऱ्या एमएच-४०/बीई-०७७५ क्रमांकाच्या ऑटाेने त्यांच्या माेटरसायकलला जाेरात धडक दिली. यात दाेघांच्याही उजव्या पायाला गंभीर दुखापत झाली. त्यांच्यावर बुटीबाेरी येथील रुग्णालयात उपचार करण्यात आले. याप्रकरणी बुटीबाेरी पाेलिसांनी जाकीर शकील खान याच्या तक्रारीवरून ऑटाे चालकाविरुद्ध भादंवि २७९, ३३७, ३३८ अन्वये गुन्हा दाखल केला असून, या घटनेचा तपास पाेलीस हवालदार अनिल व्यवहारे करीत आहेत.