आधीच पारा ४६ पार त्यात विजेच्या लपंडावाने नागपूरकरांना फोडला घाम

नवतपाच्या भीषण गरमीने त्रस्त नागपूरकर बुधवारी विजेच्या लपंडावामुळे त्रस्त झाले. सकाळी साप्ताहिक देखरेखीमुळे विजेचा पुरवठा अनेक तास बंद होता तर दुपारी तांत्रिक त्रुटींमुळे बे्रकडाऊनचा क्रम सुरू राहिला.

ठळक मुद्दे देखरेखीकरिता सकाळी पुरवठा बंददुपारी बे्रकडाऊन, नागरिक बेहाल

लोकमत न्यूज नेटवर्कनागपूर : नवतपाच्या भीषण गरमीने त्रस्त नागपूरकर बुधवारी विजेच्या लपंडावामुळे त्रस्त झाले. सकाळी साप्ताहिक देखरेखीमुळे विजेचा पुरवठा अनेक तास बंद होता तर दुपारी तांत्रिक त्रुटींमुळे बे्रकडाऊनचा क्रम सुरू राहिला. महापारेषणचे बेसा सबस्टेशन ठप्प झाले होते. त्यामुळे शहरातील मोठ्या भागात अनेक तास वीज पुरवठा बंद होता. तर काही भागात विजेचा पुरवठा बंद आणि सुरू राहण्याचा क्रम सुरू होता. वीज नसल्यामुळे कूलर, एसी, पंखे बंद होते. त्यामुळे नागरिक त्रस्त होते.सकाळी ११ पर्यंत दक्षिण-पश्चिम, पश्चिम व दक्षिण नागपुरातील मोठ्या भागात मान्सूनपूर्व तयारी आणि देखभाल, दुरुस्तीच्या नावावर वीज पुरवठा बंद करण्यात आला होता. तर सकाळी ९.२८ वाजता सीताबर्डीहून निघणारे अजमेरा फीडर ठप्प झाले. केबल तुटल्यामुळे दोन ट्रान्सफॉमरहून होणारा पुरवठा प्रभावित झाला. दुपारी १२.५६ वाजता छत्रपती स्टेशनच्या भागातील वीज पुरवठा तांत्रिक त्रुटींमुळे बंद झाला. सीताबर्डी सबस्टेशनशी जुळलेल्या भागात सकाळी ८.५२ वाजता ब्रेकडाऊनमुळे पुरवठा खंडित झाला. हॅम्पयार्ड रोड फीडरवरून (काँग्रेसनगर, छोटी धंतोली) वीज पुरवठा बंद होता. यादरम्यान महापारेषणच्या बेसा येथील १३२/३३ क्षमतेचे सबस्टेशन दुपारी ठप्प होते.महापारेषणच्या सूत्रांनी सांगितले की, केबल जळल्यामुळे ही समस्या उद्भवली. पण काही मिनिटातच सर्व सुरळीत करण्यात झाले. सबस्टेशन ठप्प झाल्यामुळे महावितरणसह एसएनडीएलच्या भागातही वीज पुरवठा बंद होता. एकूण १४ फीडर बंद राहिल्यामुळे कळमना, कामठी रोड, नंदनवन, मेडिकल, छत्रपती चौक परिसर अंधारात होता. यादरम्यान दुपारी ३.५५ वाजता ३३ केव्ही छत्रपतीनगर सबस्टेशनला पारडी सबस्टेशनवरून वीज पुरवठा करणारी लाईन ‘ट्रिप’ झाली. त्यामुळे नंदनवन ते छत्रपती चौकापर्यंतचा भागात वीज नव्हती. भार चिंचभुवन सबस्टेशनवर शिफ्ट करण्याच्या प्रयत्नात ही लाईन ट्रिप झाली. पण हे संकट पुन्हा वाढले. विजेची मागणी जास्त असल्यामुळे हे पुन्हा ट्रिप झाले. दिवसभर विजेमुळे त्रस्त असलेल्या नागरिकांना महावितरण अथवा एसएनडीएलचे अधिकारी संतोषजनक उत्तर देऊ शकले नाहीत. वीज थोड्याच वेळात येत असल्याचे उत्तर त्यांच्याकडून वारंवार मिळाले. अनेक कार्यालयांमध्ये ग्राहकांचे फोन उचलले नाही. त्यामुळे लोकांमध्ये रोष होता. छत्रपती सब स्टेशनवर सायंकाळी नागरिक जमा झाले होते.खोदकामामुळे केबल तुटलेबुधवारी अनेक ठिकाणी बे्रकडाऊनचे मुख्य कारण विविध एजन्सींद्वारे करण्यात येणाऱ्या विकास कामांसाठी करण्यात येणारे खोदकाम ठरले. सीताबर्डी सबस्टेशनचे अजमेरा फीडर मनपाच्या स्वच्छता अभियानामुळे तुटले. या प्रकारे दुपारी छत्रपती सबस्टेशनचे केबलसुद्धा विकास कामांमुळे क्षतिग्रस्त झाले. तर नंदनवन भागातील मंगलमूर्ती लॉनचे केबल मनपा एजन्सीच्या खोदकामामुळे तुटले.३.५ लाख ग्राहक प्रभावितदिवसभर होणाऱ्या ब्रेकडाऊनमुळे शहराच्या अनेक भागात वीज पुरवठा खंडित झाला. त्यामुळे भीषण गरमीत ग्राहकांना त्रास सहन करावा लागला. एसएनडीएलच्या ३.२५ लाखांसह एकूण ३.५ लाख ग्राहकांना फटका बसला. अनेक घरातील पाण्याचे पंप बंद राहिल्यामुळे पाण्याचे संकट निर्माण झाले. अनेक भागात वीज पुरवठा खंडित झाल्यामुळे शांतिनगर, बिनाकी, कळमना, वर्धमाननगर, वाठोडा, महाल, रामबाग, जयदुर्गा, नरेंद्रनगर, मानेवाडा, मनीषनगर, नंदनवन, मेडिकल, भगवाननगर, छत्रपती चौक, सीताबर्डी, धरमपेठ, सोमलवाडा, राजीवनगर, तपोवन ले-आऊट, खामला, स्नेहनगर, रहाटे कॉलनी, धंतोली, वैनगंगा कॉलनी, काँग्रेसनगर, बेसा, पारडी, खरे टाऊन, अलंकार टॉकीज, दुर्गा मंदिर परिसर, अत्रे ले-आऊट भाग प्रभावित झाला. अनेक भागात एक तास तर काही भागात जास्त काळ वीज पुरवठा बंद होता.