लोकमत न्यूज नेटवर्कनागपूर : भारतीय सेनेच्या तिन्ही दलामध्ये अधिकारी पदावर भरती होण्यासाठी पात्र उमेदवारांना सीडीएस- ६३ या परीक्षेची पूर्व तयारी करण्यासाठी छात्र पूर्व प्रशिक्षण केंद्र, नाशिक रोड, नाशिक येथे महाराष्ट्र शासनातर्फे महाराष्ट्रातील नवयुवक व नवयुवतीसाठी १० जून ते २३ ऑगस्ट या कालावधीत सीडीएस- ६३ कोर्स आयोजित करण्यात येत आहे. सीडीएस कोर्स कालावधीत प्रशिक्षणार्थीना नि:शुल्क प्रशिक्षण, निवास व भोजन दिले जाते. इच्छुक उमेदवारांनी जिल्हा सैनिक कल्याण कार्यालय नागपूर, येथे २८ में रोजी मुलाखतीस हजर राहावे.
अधिक माहितीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक यांचा ईमेल आयडी: training.petenashik@gmail.com असून कार्यालयीन वेळेत प्रत्यक्ष अथवा दूरध्वनीवर संपर्क करावा, असे आवाहन जिल्हा सैनिक कल्याण अधिकारी नागपूर यांनी केले आहे.